თბილისის N186 სკოლაში თხზულებების კონკურსში გამარჯვებული მოსწავლეები დააჯილდოვეს. კონკურსის თემა იყო „ქალის როლი საქართველოს ისტორიასა და დღევანდელობაში“.

როგორც "ექსპრესნიუსს" თავდაცვის სამინისტროდან აცნობეს, ღონისძიებას საქართველოს თავდაცვის მინისტრის მოადგილე ანა დოლიძე, საქართველოს განათლებისა და მეცნიერების მინისტრის მოადგილე ლია გიგაური, ამერიკის შეერთებული შტატების ელჩი საქართველოში იან კელი და მისი მეუღლე ფრანჩესკა კელი დაესწრნენ.

თავდაცვის სამინისტროს ცნობით, ღონისძიების მსვლელობისას მოსწავლეებმა საქართველოს ისტორიიდან 10 გამოჩენილი ქალბატონის საქმიანობის შესახებ საინფორმაციო სტენდები წარმოადგინეს და ქალისა და მამაკაცის თანასწორობის თემაზე სპეციალური ვიდეოჩვენება გამართეს.

დაჯილდოების დასასრულს ანა დოლიძემ მოსწავლეთა შეკითხვებს უპასუხა.

ღონისძიება სამოქალაქო განათლების პროგრამა „მომავლის თაობის“ ფარგლებში გაიმართა. პროგრამა საქართველოს განათლებისა და მეცნიერების სამინისტროს ხელშეწყობითა და აშშ-ის საერთაშორისო განვითარების სააგენტოს (USAID) დაფინანსებით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია