უკრაინის პრეზიდენტის ზელენსკის ადმინისტრაციის ყოფილმა.უფროსმა ანდრეი ერმაკმა NYP-ის შეკითხვებს წერილობით უპასუხა. ეს მისი პირველი კომენტარია პოსტის დატოვების შემდეგ

" მივდივარ ფრონტზე, მზად ვარ ნებისმიერი რეპრესიისთვის. მე პატიოსანი და წესიერი ადამიანი ვარ. დამამცირეს და არ დაიცვეს ჩემი ღირსება მიუხედავად იმისა, რომ კიევში ვარ 2022 წლის 24 თებერვლიდან. ამიტომ არ მინდა პრობლემები შევუქმნა ზელენსკის და მივდივარ ფრონტზე"-წერს ერმაკი.

მისივე თქმით, ამაზრზენია სიბინძურე მისი მისამართით, მაგრამ უფრო ამაზრზენია მხარდაჭერის არარსებობა "იმ ხალხის მხრიდან, ვინც სიმართლე იცის".

უკრაინის პრეზიდენტის ადმინისტრაციის ხელმძღვანელმა, ანდრეი იერმაკმა, თანამდებობა დატოვა მას შემდეგ, რაც მისი სახლი კორუფციის გამოძიების ფარგლებში ჩხრეკა ჩატარდა. ამის შესახებ პრეზიდენტმა ვოლოდიმირ ზელენსკიმ განაცხადა და ხაზგასმით აღნიშნა, რომ მას სურს თავიდან აიცილოს სიტუაციის გარშემო „ჭორები და სპეკულაციები“.

„მადლობელი ვარ ანდრეისი იმისთვის, რომ მოლაპარაკებებში უკრაინის პოზიციას ყოველთვის ზუსტად ისე წარმოაჩენს, როგორც ეს უნდა იყოს“, - განაცხადა სახელმწიფოს მეთაურმა ერისადმი ვიდეომიმართვაში. ზელენსკიმ დასძინა, რომ გარე გამოწვევებისა და ომის ფონზე, უკრაინამ შიდა სტაბილურობა უნდა შეინარჩუნოს.

ანდრეი იერმაკმა მნიშვნელოვანი როლი ითამაშა უკრაინაში შეერთებულ შტატებთან ცეცხლის შეწყვეტის შესახებ მოლაპარაკებებში. ის ამ კონსულტაციებზე უკრაინის დელეგაციას ხელმძღვანელობდა. ახლა, როგორც ვოლოდიმირ ზელენსკიმ განაცხადა, ამერიკულ მხარესთან მომავალ მოლაპარაკებებში უკრაინას წარმოადგენენ უკრაინის შეიარაღებული ძალების გენერალური შტაბის უფროსი, ეროვნული უშიშროებისა და თავდაცვის საბჭოს მდივანი, ასევე საგარეო საქმეთა სამინისტროსა და დაზვერვის სამსახურის წარმომადგენლები.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი