25 ნოემბრის ღამეს, უკრაინულმა დრონებმა რუსეთის სამხრეთ რეგიონებზე მასშტაბური შეტევა განახორციელეს. როსტოვის ოლქში, ტაგანროგსა და რამდენიმე ქალაქს დაბომბეს, განაცხადა გუბერნატორმა იური სლიუსარმა. მისი თქმით, სამი ადამიანი დაიღუპა და ათი დაშავდა. ტაგანროგში დაზიანდა ორი საცხოვრებელი კორპუსი, კერძო სახლი, მექანიკური კოლეჯის შენობა, ორი სამრეწველო საწარმო და საბავშვო ბაღი. ადგილობრივმა მაცხოვრებლებმა ასევე განაცხადეს ხანძრის შესახებ ბერიევის ტაგანროგის საავიაციო სამეცნიერო-ტექნიკური კომპლექსის (TANTK) მახლობლად, რომელიც სპეციალური დანიშნულების თვითმფრინავებს ავითარებს და აწარმოებს.

თავის მხრივ, კრასნოდარის ოლქის ხელმძღვანელმა, ვენიამინ კონდრატიევმა, რეგიონში ღამით განხორციელებულ თავდასხმას სრულმასშტაბიანი ომის განმავლობაში „ერთ-ერთი ყველაზე გახანგრძლივებული და მასშტაბური“ უწოდა. „რეგიონის ექვსი მცხოვრები დაშავდა, ხოლო ხუთ მუნიციპალიტეტში მინიმუმ 20 სახლი დაზიანდა“, - დაწერა მან Telegram-ზე. მისი თქმით, ყველაზე რთული სიტუაცია ნოვოროსიისკსა და გელენჯიკში შეიქმნა. ნოვოროსიისკში შვიდი საცხოვრებელი კორპუსი და სულ მცირე შვიდი კერძო სახლი დაზიანდა, ხოლო გელენჯიკში რამდენიმე კერძო სახლი. Astra-ს ცნობით, ნოვოროსიისკზე დრონის თავდასხმის მოგერიებისას, ერთ-ერთი საჰაერო თავდაცვის რაკეტა სამხედრო ბაზიდან დაახლოებით 700 მეტრში მდებარე მრავალსართულიან შენობას მოხვდა. ამ დარტყმის შედეგად სულ მცირე ერთი ადამიანი დაშავდა.

რუსეთის თავდაცვის სამინისტროს ანგარიშის თანახმად, ღამით რუსეთის ტერიტორიაზე 249 უკრაინული დრონი „ჩაჭრეს და გაანადგურეს“. ყველაზე მეტი - 76 - კრასნოდარის მხარეში ჩამოაგდეს. თექვსმეტი დრონი როსტოვის ოლქში ჩამოაგდეს. დრონები ასევე ჩაჭრეს ბრიანსკის, კურსკის, ბელგოროდის და ლიპეცკის ოლქებში, ოკუპირებულ ყირიმსა და შავი და აზოვის ზღვებში. ეს ომის ერთ-ერთი ყველაზე მასშტაბური უკრაინული დრონების დარტყმაა. მანამდე უკრაინამ 6 ოქტომბერს რუსეთის მიმართულებით 251 დრონი გაუშვა, ხოლო 11 მარტს რეკორდული - 337.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი