2025-09-08 20:56:18, 1056 ნახვა
პოლიტიკა
ვინ ვინ იყო, ჩვენ ვერ გავარჩევდით - პოლიციის მაღალჩინოსანი ტიტუშკების პოგრომზე
საპატრულო პოლიციის დეპარტამენტის მთავარი სამმართველოს უფროსის მოადგილე, გოგა მემანიშვილი აცხადებს, რომ მელიქიშვილის გამზირზე დაპირისპირების შემდეგ პოლიცია 1 წუთში მივიდა.
მემანიშვილის განცხადებით, დაპირისპირების ფაქტზე ამ დროისთვის დაკავებული არავინ არის. მისი თქმით, შემთხვევის ადგილას პოლიცია ერთი წუთის განმავლობაში მივიდა და ვითარება მალევე დარეგულირდა.
„შემთხვევიდან 1 წუთში ადგილზე იყო პოლიცია. მოსვლიდან მალევე დარეგულირდა ვითარება. ორივე მხარეს არიან ნაცემები. მათ შეუძლიათ მიმართონ საგამოძიებო უწყებას. ამ კონკრეტულ ლოკაციაზე მომხდარ ფაქტთან დაკავშირებით შესაბამისი რეაქცია მივიღეთ. ჩემ ხელთ არსებული ინფორმაციით, ამ ეტაპზე, არავინ არის დაკავებული“, - განაცხადა გოგა მემანიშვილმა.
ავტორი: ექსპრესნიუსი,
epn.ge (@expressnews.ge)
