სირიის პროვინცია ჰასაკაში მდებარე კასრაკის ამერიკული სამხედრო ბაზა სრულ მზადყოფნაშია მოყვანილი ირანის ან მის მიერ მხარდაჭერილი შეიარაღებული დაჯგუფებების მხრიდან შესაძლო თავდასხმების საფრთხის გამო. ამის შესახებ ინფორმაციას „როიტერი“ სირიის სამხედრო წრეებში წყაროებზე დაყრდნობით ავრცელებს. სააგენტოს ცნობით, მაქსიმალური საბრძოლო მზადყოფნის რეჟიმი ასევე გამოცხადდა ერაყში, აინ ალ-ასადის აშშ-ის სამხედრო ბაზაზე. გარდა ამისა, როგორც IRIB News წერს, განგაში ატეხეს ამერიკულ ბაზებზე ყატარში, ბაჰრეინსა და ქუვეითში.

ესკალაციის ფონზე, სპარსეთის ყურის ქვეყნებმა: ერაყმა, არაბთა გაერთიანებულმა საემიროებმა, ბაჰრეინმა და ქუვეითმა დროებით შეაჩერეს ფრენები საკუთარ საჰაერო სივრცეში. ამის შესახებ Flightradar24 პორტალის მონაცემები მოწმობს.

სიფრთხილის ზომები გაძლიერდა მას შემდეგ, რაც ირანმა 23 ივნისს ახლო აღმოსავლეთში აშშ-ის სამხედრო ობიექტებზე სარაკეტო იერიში მიიტანა. Axios-ის ცნობით, ირანულმა ძალებმა ექვსი რაკეტა ესროლეს კატარში მდებარე ალ-უდეიდის საჰაერო ბაზას, ხოლო კიდევ ერთი - ერაყში მდებარე აინ ალ-ასადის საჰაერო ბაზას. ალ-უდეიდი რეგიონში აშშ-ის უდიდესი სამხედრო ბაზაა და ასევე აშშ-ის ცენტრალური სარდლობის წინა შტაბ-ბინაა.

თავის მხრივ, „ნიუ-იორკ თაიმსი“ იუწყება, რომ ირანმა კატარის ხელისუფლებას მოსალოდნელი თავდასხმის შესახებ წინასწარ აცნობა და მოქმედებები კატარის ოფიციალურ პირებთან შეათანხმა. გამოცემის წყაროების ცნობით, თეირანი ცდილობდა სიმბოლურად ეპასუხა აშშ-ის ბირთვულ ინფრასტრუქტურაზე განხორციელებულ დარტყმებზე, სიტუაციის მასშტაბურ ესკალაციამდე მიყვანის გარეშე.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი