2025-06-20 18:01:54, 1133 ნახვა
პოლიტიკა
მამუკა ხაზარაძე - კიდევ ერთი პოლიტპატიმარი ქალი გვყავს, ჩემი სოლიდარობა და მხარდაჭერა ნინო დათაშვილს!
„ლელო - ძლიერი საქართველოს“ ლიდერი მამუკა ხაზარაძე აქტივისტ ნინო დათაშვილის დაკავებას სოციალურ ქსელში ეხმაურება.
„კიდევ ერთი პოლიტპატიმარი ქალი გვყავს. ჩემი სოლიდარობა და მხარდაჭერა ნინო დათაშვილს!
ბრძოლა ბოლომდე, ივანიშვილის რუსული რეჟიმის დასამხობად!” - წერს ხაზარაძე სოციალურ ქსელში.
ცნობისთვის, შსს-მ სამოქალაქო აქტივისტი ნინო დათაშვილი მანდატურის სამსახურის თანამშრომლის მიმართ 9 ივნისს განხორციელებული ფიზიკური შეურაცხყოფის ბრალდებით დააკავა. გამოძიება საქართველოს სისხლის სამართლის კოდექსის 353-ე სეკუნდა მუხლის მე-3 ნაწილით მიმდინარეობს, რაც სასჯელის სახით 4-იდან 7 წლამდე ვადით თავისუფლების აღკვეთას ითვალისწინებს.
ავტორი: ექსპრესნიუსი,
epn.ge (@expressnews.ge)
