ვადამდელი არჩევნები იქნებოდა უკან დახევა ჩვენი ქვეყნის საკვანძო ეროვნული ინტერესების საზიანოდ, რა თქმა უნდა, ამას ვერ გავაკეთებთ, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.

პრემიერის თქმით,  არჩევნები ჩატარდება 2028 წლის ოქტომბერში, როგორც ამას ითვალისწინებს საქართველოს კონსტიტუცია.

„პროცესები ისე მიდის, რომ სანქცია არის კომპლიმენტი, ჩვეულებრივი კომპლიმენტი. რაც შეეხება უკან დახევას, ჩვენს უკან დგას ქართველი ხალხი. შესაბამისად, ჩვენ ვერ დავიხევთ უკან. ჩვენ ბოლომდე დავიცავთ ქართველი ხალხისა და ჩვენს ეროვნულ ინტერესებს. ჩვენ ამ ბრძოლას გავდივართ ამდენი ხანია. ჯერ იყო არაფორმალური სანქციები, შემდეგ იყო ფორმალური სანქციები. ბრძოლა წარიმართება. ჩვენ ვიბრძვით საქართველოს თავისუფლების, დამოუკიდებლობისა და სუვერენიტეტისთვის და აქ უკან დასახევი არაფერი გვაქვს. ვადამდელი არჩევნები იქნებოდა უკან დახევა ჩვენი ქვეყნის საკვანძო ეროვნული ინტერესების საზიანოდ. რა თქმა უნდა, ამას ვერ გავაკეთებთ. არჩევნები ჩატარდება 2028 წლის ოქტომბერში, როგორც ამას ითვალისწინებს საქართველოს კონსტიტუცია და არა ვიღაც სხვა მთავრობის გადაწყვეტილება. პირველი, რაც უნდა ქართველ ხალხს, ეს არის ჩვენი ეროვნული დამოუკიდებლობის შენარჩუნება, ჩვენი სუვერენიტეტის შენარჩუნება და ქართველი ხალხის ღირსების დაცვა. დღეს ამისთვის წარიმართება ბრძოლა. 2022 წლის დასაწყისიდან ჩვენ გამოვიარეთ სერიოზული ზეწოლა, ვერ ჩაგვრთეს ომში, ვერ გააჩაღეს საქართველოში მეორე ფრონტი, ამან გამოიწვია „დიფ სთეითის" განაწყენება და ამის შემდეგ გრძელდება შანტაჟი და მუქარა ხან ფორმალური, ხან არაფორმალური სანქციებით. ქართველ ხალხს სურს ჩვენი ქვეყნის დამოუკიდებლობა და კეთილდღეობა, ეს არის მთავარი ღირებულება ქართველი ხალხისთვის და ჩვენ ვიცავთ ამას ", - განაცხადა პრემიერმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია