უკრაინის ევროკავშირში გაწევრიანება, შესაძლოა, უსაფრთხოების ყველაზე ძლიერი გარანტი იყოს, - ამის შესახებ ევროკომისიის პრეზიდენტმა, ურსულა ფონ დერ ლაიენმა ევროპარლამენტში სიტყვით გამოსვლისას განაცხადა.

ევროკომისიის პრეზიდენტმა, ურსულა ფონ დერ ლაიენმა უკრაინაში სამართლიანი მშვიდობის დამყარების გზაზე ევროკავშირის სამოქმედო სამი პრიორიტეტი დაასახელა: „პირველი, უკრაინის თავდაცვისუნარიანობის მხარდაჭერა. მეორე, რუსული საწვავის მოხმარების სრულად დასრულება და მესამე, უკრაინის ევროკავშირში გაწევრიანების პროცესის დაჩქარება“.

„ჩვენ უკრაინის ევროკავშირში გაწევრიანება უნდა დავაჩქაროთ. ეს მხოლოდ უკრაინის მისწრაფებას არ წარმოადგენს და შეიძლება უსაფრთხოების ყველაზე ძლიერი გარანტი იყოს. ეს საკითხი რომში, პრეზიდენტ ზელენსკისთან ბოლო შეხვედრის მთავარი თემა იყო. უკრაინასთან ერთად ვმუშაობთ, რომ გაწევრიანების შესახებ მოლაპარაკებების ყველა კლასტერი 2025 წელს გავხსნათ“, - განაცხადა ურსულა ფონ დერ ლაიენმა.

მისი თქმით, „საბოლოოდ, უკრაინაში ომი დასრულდება და ის, თუ როგორ დასრულდება ომი ევროპის კონტინენტის მომავალს განსაზღვრავს“.

„ცუდი შეთანხმების შედეგად, შესაძლოა, რუსეთი უფრო მეტისთვის უკან დაბრუნდეს, რაც კიდევ უფრო მეტ არასტაბილურობას გამოიწვევს. თუმცა, სამართლიანი და ხანგრძლივი მშვიდობის შედეგად, შეიძლება უკრაინაში კეთილდღეობის ახალი ეპოქა დაიწყოს და ეს ჩვენ ევროპის ახალი უსაფრთხოების არქიტექტურის შენებაში დაგვეხმაროს“, - აღნიშნა ევროკომისიის პრეზიდენტმა.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან