ბალტიისპირეთის სამივე სახელმწიფოს აქვს ერთი მიზანი და ამოცანა, უნდათ, რომ რუსეთს, მათ მაგივრად, სხვა სახელმწიფო დაუპირისპირდეს, – ამის შესახებ „ქართული ოცნების“ წევრმა, ირაკლი ზარქუამ განაცხადა.

როგორც ზარქუამ ლიეტუვის მიერ საქართველოს სანქცირებული მოქალაქეების სრული სიის გამოქვეყნების კომენტირებისას განაცხადა, ასეთი მოქცევა ბალტიისპირეთის ქვეყნების მხრიდან ახალი არ არის.

„არახალია ბალტიისპირელების ასეთი მოქცევა. სამივე სახელმწიფოს აქვს ერთი მიზანი და ამოცანა, უნდათ, რომ, მათ მაგივრად, რუსეთს სხვა სახელმწიფო დაუპირისპირდეს. ამისთვის, აგერ, უკრაინა ჰყავთ მონიშნული და აომებენ ამ სახელმწიფოს. უფრო მეტსაც გეტყვით, მაგალითად, არიან ესტონეთის ოფიციალური პირები, რომლებიც ამბობენ, რომ ომი არ უნდა დამთავრდეს და უნდა გაგრძელდეს. ახლა ომი თუ დამთავრდა, მაშინ მოუწევთ ესტონელებს ბრძოლა და ომი, ეს მიდგომა უკვე ყველაფერზე მიუთითებს. რაც შეეხება სანქციებს, არ მიკვირს, რადგან ჩვენ ვართ ერთ-ერთი გამოკვეთილი სახელმწიფო, რომელიც წავიდა წინააღმდეგ ამ ომის, მეორე ფრონტი არ გავხსენით, სანქციები არ დავუწესეთ და, შესაბამისად, პირდაპირ და თამამად ვიცავთ ჩვენი სახელმწიფოს ინტერესებს, ხალხის ინტერესებს. ამას ვერ გვპატიობენ, გგონიათ რამე შეხება გვაქვს ჩვენ ან ლატვიელებთან, ან ლიეტუვის მოსახლეობასთან, ან ესტონელებმა მე რომ დამასანქცირეს, ცხოვრებაში არ ვარ ნამყოფი, არც ჩავალ არასდროს, მაგრამ დამასანქცირა მეც და სხვა ლიდერებიც, რატომ? იმიტომ, რომ სიმართლეს ვამბობთ, ჩვენ მოგვიწოდებდნენ სანქციებისკენ და ლატვიამ გადაგვასწრო, მაგალითად, ღვინის ექსპორტში რუსეთთან, ლიეტუვამ, მაგალითად, ნავთობპროდუქტების ექსპორტში მთლიანად გადაასწრო მთელ რიგ სახელმწიფოებს. ასეთი მიდგომა აქვთ. ხალხს არ ვერჩი არაფერს, ეს ვინც არიან მთავრობაში და ოფიციალური პირები, ისინი ემსახურებიან იმ გლობალური ომის პარტიას, რომლის ინტერესებშია, რომ ომი გახანგრძლივდეს. ჩვენ წინააღმდეგი ვართ და გვასანქცირებენ, ეს ჩვენთვის არაფრის მომცემია. ჩვენთვის მნიშვნელოვანია, რომ სახელმწიფოში მშვიდობა გვქონდეს, რომ სიცოცხლეები გადავარჩინოთ და ეკონომიკური ზრდა გვქონდეს“, – განაცხადა ზარქუამ.

ლიეტუვამ საქართველოს სანქცირებული პირების სრული სია გამოაქვეყნა. აღნიშნული პირები ლიეტუვამ სხვადასხვა დროს დაასანქცირა. სანქცირებულ პირებს შორის არიან: ბიძინა ივანიშვილი, ირაკლი კობახიძე, ვახტანგ გომელაური, ვაჟა სირაძე, კახა კალაძე, თეა წულუკიანი, მამუკა მდინარაძე, დიტო სამხარაძე, გრიგოლ ლილუაშვილი. სანქციები ასევე შეეხო შემდეგ პირებს: მილერი ლაგაზაურს, მირზა კეზევაძეს, შალვა ბედოიძეს, მიხეილ ჩინჩალაძეს, გოგა ხაინდრავას, შალვა თადუმაძეს, ირაკლი ქარსელაძეს, კახი ბექაურს, ოთარ რომანოვ-ფარცხალაძეს, ირაკლი რუხაძეს, ლევან მურუსიძეს, ვიქტორ ჯაფარიძეს, ლაშა ჯოხაძეს.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა