2025-04-12 15:06:35, 718 ნახვა
მსოფლიო
ანჯეი დუდა - უკრაინაში მშვიდობის მიღწევისთვის საუკეთესო შანსს დონალდ ტრამპი წარმოადგენს
უკრაინაში მშვიდობის მიღწევისთვის საუკეთესო შანსს დონალდ ტრამპი წარმოადგენს, - ამის შესახებ პოლონეთის პრეზიდენტმა, ანჯეი დუდამ განაცხადა.
„თუ ვინმეს შეუძლია, რომ რუსეთს ომის დასრულება აიძულოს, ეს ალბათ, აშშ-ის პრეზიდენტია. საკითხავი ის არის, თუ რამდენად მტკიცედ ექნება მას ეს გადაწყვეტილი, რადგან ევროპისთვისაც ძალიან მნიშვნელოვანია, რომ მშვიდობა სამართლიანი და ხანგრძლივი იყოს“, - განაცხადა დუდამ.
მისი თქმით, აშშ-ის პრეზიდენტს, დონალდ ტრამპს რუსეთის პრეზიდენტი, ვლადიმერ პუტინი სათანადოდ ჰყავს შეფასებული.
„მისი პირველი ვადისას „ჩრდილოეთის ნაკადი 2“-ის შეჩერება ამის მტკიცებულებაა, მან იცის სად შეუძლია ზიანის მიყენება“, - აღნიშნა პოლონეთის პრეზიდენტმა.
ავტორი: ექსპრესნიუსი,
epn.ge (@expressnews.ge)
