აშშ-ის საფონდო ბირჟებზე ვაჭრობა 4%-მდე ვარდნით გაიხსნა, - ამის შესახებ ინფორმაციას Sky News-ი ავრცელებს.

Sky News-ის ცნობით, S&P 500-ის ინდექსი 3.7%-ით დაეცა, NASDAQ-ი 3.9%-ით შემცირდა, ხოლო Dow Jones-ის ინდექსი 3.2%-ით დაეცა.

დღეს, ვარდნა განიცადა აზიისა და ევროპის საფონდო ბირჟებმაც.

ჰონგ-კონგის Hang Seng-ის ინდექსი 13.2%-იანი ვარდნით დაიხურა, რაც 1997 წლის შემდეგ ყველაზე ცუდი მაჩვენებელია. ევროპაში საფონდო ბირჟების ინდექსები 4-5%-ით დაეცა.

ცნობისთვის, აშშ-ის პრეზიდენტმა, დონალდ ტრამპმა საფონდო ბირჟების გახსნამდე აშშ-ის მოსახლეობას მოთმინებისკენ მოუწოდა.

„აშშ-ს აქვს შანსი გააკეთოს ის, რაც ათწლეულების წინ უნდა გაკეთებულიყო. ნუ იქნებით სუსტები და სულელები! ძლიერები, გაბედულები და მომთმენები იყავით და შედეგიც სიდიადე იქნება“, - დაწერა აშშ-ის პრეზიდენტმა Truth Social-ზე.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა