2025-04-07 17:50:35, 506 ნახვა
მსოფლიო
ურსულა ფონ დერ ლაიენი - ევროპა აშშ-სთან ტარიფებთან დაკავშირებით კარგი შეთანხმებისთვის ყოველთვის მზად არის
ევროპა ტარიფების შესახებ აშშ-თან მოლაპარაკებებისთვის მზად არის, - ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.
„ევროპა კარგი შეთანხმებისთვის ყოველთვის მზად არის. ამიტომ ეს ძალაში რჩება. ჩვენ სამრეწველო საქონელზე ნულოვანი ტარიფები შევთავაზეთ, რადგან ევროპა კარგი შეთანხმებისთვის ყოველთვის მზად არის. ასევე, მზად ვართ საპასუხო ზომებისთვის და ჩვენი ინტერესების დაცვისთვის“, - განაცხადა ურსულა ფონ დერ ლაიენმა.
მისი თქმით, ტარიფები ამერიკელ მომხმარებელსა და ბიზნესს უზარმაზარ ხარჯებს აკისრებს.
„ევროკავშირმა არსებული ბარიერებისგან გათავისუფლებით ერთიანი ბაზრის გასაძლიერებლად უნდა იმუშაოს“, - აღნიშნა ევროკომისიის პრეზიდენტმა.
ავტორი: ექსპრესნიუსი,
epn.ge (@expressnews.ge)
