არ ვაპირებთ რუსული კანონებით ცხოვრებას. ჩვენ აუცილებლად გავაგრძელებთ წინააღმდეგობას და ყველაფერს გავაკეთებთ იმისთვის, რომ საქართველოში დემოკრატია, მომავალი და ქართველი ხალხი დავიცვათ, - ამის შესახებ „სამართლიანი არჩევნებისა და დემოკრატიის საერთაშორისო საზოგადოების“ თავმჯდომარემ, ნინო დოლიძემ დღევანდელ ბრიფინგზე განაცხადა. როგორც მან აღნიშნა, თუ „ქართული ოცნება“ დაიწყებს კანონის გამოყენებას სამოქალაქო საზოგადოების წინააღმდეგ, ეს კიდევ ერთხელ მიანიშნებს იმას, რომ ის არა ამერიკული „ფარას“ ანალოგი, არამედ „რუსული კანონია".

„ჩვენ ვნახეთ ქართული არასამთავრობო და მედია ორგანიზაციების წინააღმდეგობა "რუსული კანონის" წინააღმდეგ. შესაბამისად, სწორედ ამ წინააღმდეგობის ჩახშობის გაგრძელებაა ამჯერად ამერიკული „ფარას“ სახელით შემოტანილი ეს კანონი. ვხედავთ, რომ "ქართული ოცნება" ძალიან ხშირად ცდილობს ხან "ამერიკული" დაარქვას და ხან "ბრიტანული" იმ კანონმდებლობებს, რომელიც რეალურად, მიმართულია ქართული საზოგადოების, თავისუფალი სიტყვის, სამოქალაქო საზოგადოების წინააღმდეგ. აშშ-ში ეს კანონი არ გამოიყენება დამოუკიდებელი მედია და სამოქალაქო ორგანიზაციების წინააღმდეგ. ამიტომ, თუკი ეს კანონი სულისკვეთებით ამერიკული იქნება, ის ნამდვილად არ შეეხება ქართულ სამოქალაქო საზოგადოებას და მედიას, ხოლო თუ "ქართული ოცნება" დაიწყებს ამ კანონის გამოყენებას სამოქალაქო საზოგადოების წინააღმდეგ, ეს კიდევ ერთხელ მიანიშნებს იმას, რომ ეს იქნება ნამდვილად შენიღბული "რუსული კანონი". კიდევ ერთხელ ვაცხადებთ, რომ არ ვაპირებთ რუსული კანონებით ცხოვრებას. ჩვენ აუცილებლად გავაგრძელებთ წინააღმდეგობას და ყველაფერს გავაკეთებთ იმისთვის, რომ საქართველოში დემოკრატია, მომავალი და ქართველი ხალხი დავიცვათ", - განაცხადა დოლიძემ.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება