კულტურისა და ძეგლთა დაცვის მინისტრი მიხეილ გიორგაძე დირიჟორ ნიკოლოზ რაჭველის მიერ სოციალურ ქსელში გაკეთებულ განცხადებას პასუხობს.

გიორგაძის თქმით, ის გაკვირვებულია, რადგან მუსიკალურ ცენტრს აქამდე არ ჰქონია ისეთი ხელშეწყობა, როგორიც ბოლო პერიოდში აქვს. მინისტრმა განაცხადა, რომ ორკესტრს ექნება საშუალება ოპერაში რამდენიმე კონცერტი გამართოს.

„რა განცხადებაც ნიკოლოზ რაჭველმა სოციალურ ქსელში გააკეთა, ამით გაკვირვებული ვარ. იმიტომ, რომ ეროვნული მუსიკალური ცენტრის ხელშეწყობა ისეთი როგორიც ბოლო წელიწადნახევარში ჰქონდა და აქვს ვფიქრობ, ათწლეულია ასეთი ხელშეწყობა არ ჰქონია. სამუშაო გრაფიკიდან გამომდინარე ორკესტრს მიეცემა საშუალება, რომ თბილისის ოპერისა და ბალეტის თეატრში რამდენიმე კონცერტი გამართოს. შემდეგ უკვე, ასე ვთქვათ წლის მეორე ნახევრისთვის ვნახავთ სად რისი საშუალება იქნება, ისევ და ისევ სამუშაო გრაფიკიდან გამომდინარე“, - განაცხადა მიხეილ გიორგაძემ ჟურნალისტებთან საუბრისას.

ცნობისთვის, ევგენი მიქელაძის სახელობის საშემსრულებლო ხელოვნების ეროვნული ცენტრის სამხატვრო ხელმძღვანელი ნიკოლოზ რაჭველი სოციალურ ქსელში წერს, რომ სწორედ კულტურის მინისტრისა და სამინისტროს დამსახურებაა, რომ მათთვის გამოინახა შენობა, რომელიც აქტიურად რემონტდება და ასევე მიეცათ საშუალება ოპერაში გამართონ რამდენიმე კონცერტი, თუმცა თუ 21 მარტამდე ვერ მიიღებენ კონკრეტულ კითხვებზე პასუხს, მწვავე განცხადებას ოპერაში გალაკონცერტის დასრულების შემდეგ გააკეთებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი