ბათუმში, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველმა მოადგილემ გრიგოლ გიორგაძემ „საქართველოში დაბრუნებულ მიგრანტთა სარეინტეგრაციო დახმარების“  2016 წლის პროგრამის საგრანტო კონკურსის შესახებ არასამთავრობო ორგანიზაციების წარმომადგენლებთან შეხვედრა გამართა.

როგორც „ექსპრესნიუსს“ ლტოლვილთა და განსახლების სამინისტროდან აცნობეს, შეხვედრაზე სამინისტროს თანამშრომლებმა არასამთავრობო სექტორის წარმომადგენლებს  სახელმწიფო სარეინტეგრაციო პროგრამის მიზნებისა და საგრანტო კონკურსში მონაწილეობის პირობების შესახებ დეტალური ინფორმაცია მიაწოდეს.

მათივე ინფორმაციით, 2016 წლის სახელმწიფო ბიუჯეტში დაბრუნებული მიგრანტების რეინტეგრაციის მხარდასაჭერად  600 000 ლარი გამოიყო, რომელსაც   სამინისტრო 6 საგრანტო მიმართულებით გასცემს:   სამედიცინო დახმარება და მედიკამენტებით უზრუნველყოფა, სოციალური პროექტების დაფინანსება, ,სამუშაოს მაძიებელთა პროფესიული მომზადება-გადამზადება და კვალიფიკაციის ამაღლების  პროგრამაში ჩართვის ხელშეწყობა, დროებითი საცხოვრებლით   უზრუნველყოფა , იურიდიული დახმარების გაწევა ,სახელმწიფო სარეინტეგრაციო პროგრამის შესახებ საზოგადოების ინფორმირების მიზნით სხვადასხვა ღონისძიების განხორციელება

ამასთან, უწყების ცნობით, საგრანტო კონკურსი  საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2015 წლის 18 თებერვლის ბრძანებით დამტკიცებული - სამინისტროს სისტემაში გრანტის გაცემის წესის შესაბამისად გამოცხადდა. საგრანტო კონკურსში მონაწილეობის უფლება აქვს საქართველოში რეგისტრირებულ არასამეწარმეო (არაკომერციულ) იურიდიულ პირს ან მის ფილიალს.

არასამთავრობო ორგანიზაციების განაცხადებს სამინისტროში საგრანტო პროგრამის ადმინისტრირებისთვის შექმნილი საგრანტო კომისია განიხილავს, რომლის შემადგენლობაშიც  როგორც სამინისტროს, ასევე საერთაშორისო და არასამთავრობო ორგანიზაციების წარმომადგენლებიც შედიან.  კომისია თითოეულ საგრანტო მიმართულებაზე გამარჯვებულს შეჯიბრებითობის, გამჭვირვალობისა და დამოუკიდებლობის პრინციპების დაცვით გამოავლენს.

დაბრუნებული მიგრანტების რეინტეგრაციის მხარდაჭერის მიზნით სამინისტრო აქტიურად  თანამშრომლობს, როგორც საერთაშორისო ორგანიზაციებთან, ისე არასამთავრობო სექტორთან.

საგრანტო კონკურსის შესახებ დეტალური ინფორმაცია განთავსებულია სამინისტროს ოფიციალურ ვებ-გვერდზე www.mra.gov.ge.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა.

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები