2025-02-26 11:34:23, 1650 ნახვა
რეგიონი
ვანის სოფლებში შუქი და გაზი გაეთიშათ - მოსახლეობა დახმარებას ითხოვს
ვანის მოსახლეობა დახმარებას ითხოვს. როგორც ადგილობრივები აცხადებენ, სოფელ ყუმურის მოსახლეობა ელექტროენერგიის გარეშეა.
მათივე ცნობით, რამდენიმე დღეა უშედეგოდ ელოდებიან დახმარებას მერიისგან. თოვლის საფარმა კი უკვე 2 მეტრს გადააჭარბა და რეგიონში ბუნებრივი აირიც გაითიშა.
"დენი კარგა ხანია აღარ არის. იქნებ დაგვეხმაროს ვინმე. ბავშვები არიან სოფელში. რამდენიმე მოხუცი მარტოა. არავინ არაფერს ამბობს, მეორე დღეა ითხოვს მოსახლეობა დახმარებას. დილიდან ვრეკავთ სოფელში, რამდენიმე ოჯახში, როგორც ჩანს, ტელეფონები გაეთიშათ და კონტაქტზე არ გამოდიან. არ ვიცით როგორ არიან" - ამბობს ერთ-ერთი ადგილობრივი.
ავტორი: ექსპრესნიუსი,
epn.ge (@expressnews.ge)
