2025-02-24 09:56:25, 844 ნახვა
ომი უკრაინაში
უკრაინული დრონები რიაზანის ნავთობგადამამუშავებელ ქარხანას დაესხნენ თავს
უკრაინული უპილოტო თვითმფრინავები, რიაზანის ნავთობგადამამუშავებელ ქარხანას დაესხნენ თავს, რის გამოც იქ ხანძარი გაჩნდა.
რამდენიმე რუსული პროპაგანდისტული ტელეგრამ არხი ადგილობრივ მოსახლეობაზე დაყრდნობით იუწყება, რომ ადგილობრივი დროით დილის 4 საათზე რიაზანის ნავთობგადამამუშავებელი ქარხნის ტერიტორიაზე რამდენიმე აფეთქება მოხდა, რის შემდეგაც იქ ხანძარი გაჩნდა.
ადგილობრივ ხელისუფლებას განცხადება ჯერ არ გაუკეთებია.
უკრაინულმა თვითმფრინავებმა იანვარში ორჯერ შეუტიეს რიაზანის ნავთობგადამამუშავებელ ქარხანას: პირველად, ერთი თვის წინ და მეორედ, პირველი თავდასხმიდან ორი დღის შემდეგ. თავდასხმების შედეგად, მაშინ ქარხანამ მუშაობა შეწყვიტა.
ავტორი: ექსპრესნიუსი,
epn.ge (@expressnews.ge)
