2025-02-23 15:19:28, 1250 ნახვა
ომი უკრაინაში
ანდრეი სიბიგა - არავინ უნდა ენდოს პუტინის სიტყვებს, შეხედეთ მის ქმედებებს
უკრაინის საგარეო საქმეთა მინისტრი, ანდრეი სიბიგა სოციალურ პლატფორმა X-ზე წერს, რომ გასული ღამით, რუსეთმა უკრაინაში რეკორდული რაოდენობის, 267 სასიკვდილო დრონი გაუშვა, რომლის სამიზნე მშვიდობიანი მოსახლეობა და კრიტიკული ინფრასტრუქტურა
მისი თქმით, ვლადიმერ პუტინი აგრესორია და არავინ უნდა ენდოს მის სიტყვებს.
„ეს იმაზე მეტყველებს, რომ რუსეთისთვის აგრესორის წოდების თავიდან აცილება არ ცვლის იმ ფაქტს, რომ ის აგრესორია. არავინ უნდა ენდოს პუტინის სიტყვებს, ამის ნაცვლად, შეხედეთ მის ქმედებებს“, - წერს სიბიგა.
შეგახსენებთ, უკრაინის საჰაერო ძალების ინფორმაციით, რუსებმა 23 თებერვლის ღამეს უკრაინის ტერიტორიას 267 დრონით და 3 ბალისტიკური რაკეტით შეუტიეს.
ავტორი: ექსპრესნიუსი,
epn.ge (@expressnews.ge)
