დონალდ ტრამპი პრობლემების გადამჭრელია, - ამის შესახებ რუსეთის პირდაპირი ინვესტიციების ფონდის ხელმძღვანელმა, კირილ დმიტრიევმა საუდის არაბეთში, აშშ-ისა და რუსეთის დელეგაციების შეხვედრის დაწყების წინ ჟურნალისტებს განუცხადა.

„ჩვენ ნამდვილად ვხედავთ, რომ პრეზიდენტი დონალდ ტრამპი და მისი გუნდი პრობლემების გადამჭრელი ადამიანები არიან, რომლებმაც მთელი რიგი ძლიერი გამოწვევები უკვე მოაგვარეს, ძალიან სწრაფად, ძალიან ეფექტურად და ძალიან წარმატებით“, - განაცხადა კირილ დმიტრიევმა.

რუსეთის პრეზიდენტის მრჩეველმა საგარეო პოლიტიკის საკითხებში, იური უშაკოვმა განაცხადა, რომ დმიტრიევმა შესაძლოა, უკრაინაში მიმდინარე ომის დასრულებისა და აშშ-რუსეთის ურთიერთობების მთელი კომპლექსის აღდგენის შესახებ აშშ-ის დელეგაციასთან გასამართ მოლაპარაკებებში მონაწილეობა მიიღოს, რათა ეკონომიკური საკითხები განიხილოს.

„ძალიან მნიშვნელოვანია გვესმოდეს, რომ ამერიკულმა ბიზნესებმა დაახლოებით, 300 მილიარდი დოლარი დაკარგა რუსეთიდან გასვლის გამო. ასე რომ, ეკონომიკური ზიანი იმის გამო, რაც ახლა ხდება, ძალიან ბევრ ქვეყანას მიადგა და გვჯერა, რომ წინსვლა პრობლემების მოგვარების გზით არის შესაძლებელი“, - აღნიშნა დმიტრიევმა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა