2025-02-13 16:40:22, 384 ნახვა
მსოფლიო
მოლდოვაში რუსული კულტურის ცენტრი იხურება
მოლდოვის საგარეო საქმეთა სამინისტროს ინიციატივით, კიშინიოვში რუსული კულტურის ცენტრი დაიხურება.
სამინისტრომ გადაწყვეტილება მოლდოვის საჰაერო სივრცეში შემოფრენილი დრონების გამო მიიღო.
13 თებერვალს მოლდოვის საჰაერო სივრცე რამდენიმე რუსულმა დრონმა დაარღვია, მოგვიანებით უპილოტო საფრენი აპარატები ტარაკლიის რაიონში ჩამოვარდა.
"ამ პროვოკაციების საპასუხოდ საგარეო საქმეთა სამინისტრომ მიიღო გადაწყვეტილება გააუქმოს 1998 წელს მიღებული მოლდოვისა და რუსეთის შეთანხმება კულტურული ცენტრების შექმნის შესახებ. შესაბამისი პროცედურების დასრულების შემდეგ რუსული კულტურის ცენტრმა უნდა შეწყვიტოს ჩვენს ქვეყანაში მოღვაწეობა". – წერია საგარეოს განცხადებაში.
რუსული მეცნიერებისა და კულტურის სახლი კიშინიოვში 2009 წელს გაიხსნა.
ავტორი: ექსპრესნიუსი,
epn.ge (@expressnews.ge)
