გამოძიება მიქაელ მეძმარიაშვილს 11 დეკემბერს გზის ხელოვნურად გადაკეტვის ბრალდებით ედავება.

17 წლის აქტივისტი აცხადებს, რომ ბრალდების მხარის მიერ წარმოდგენილ კადრებში არ ჩანს, რომ მან კანონი დაარღვია და გზა გადაკეტა.

„ერთ-ერთ ვიდეოში ჩემი სახე ჩანს, სადაც აქციაზე ვარ, მაგრამ არ ჩანს, გადავკეტე თუ არა გზა. არის კიდევ ვიდეო, სადაც შესაძლოა მე ვარ, მაგრამ ვერავინ ვერ მიპოვა იმ ვიდეოში, რადგან ის ზოგადი ვიდეოა. როცა მივედი, გზა უკვე გადაკეტილი იყო. რადგან არ იყო საკმარისი მტკიცებულება, სასამართლომ გადაწყვიტა, რომ პროცესი 28 თებერვლამდე გადაეტანათ“, - ამბობს ახალგაზრდა.

მეძმარიაშვილის დედა კი შვილის მიმართ დარღვეულ უფლებებზე საუბრობს და ამბობს, რომ ჩანიშნული სასამართლოს შესახებ პირდაპირ მის არასრულწლოვან შვილს  შეატყობინეს და არა რომელიმე მშობელს.

„არასრულწლოვანთან დარეკვის უფლება მათ არ ჰქონდათ. უნდა დაერეკათ მშობლებთან. კითხვაზე, რატომ დარეკეს მიქაელთან, გვიპასუხეს, რომ არ იცოდნენ მშობლების ტელეფონის ნომერი“, - ამბობს დედა.

საქალაქო სასამართლოში ამ წუთებში 8 პირის ადმინისტრაციული სამართალდარღვევის საქმე ერთ წარმოებაში განიხილება. რვავე მათგანს გზის ხელოვნურად გადაკეტვას ედავებიან.

ავტორი: ექსპრესნიუსი,

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება