"ბათუმელების" მთავარი რედაქტორი, რომელიც მზია ამაღლობელის დაკავების მოწმე იყო, მთავარ პროკურორთან შეხვედრას ითხოვს. ეთერ თურაძეს სურს, პირადად მიაწოდოს ინფორმაცია გიორგი გაბიტაშვილს იმის შესახებ, თუ როგორია დაკავებული ჟურნალისტის მდგომარეობა.

ცნობილია, რომ ამაღლობელი მე-16 დღეა შიმშილობს, არადა, მას არაერთი ქრონიკული დაავადება აქვს. სწორედ ამიტომ, თურაძე მიიჩნევს, რომ ახლა ყოველ დღეს და საათს მნიშვნელობა აქვს, რადგან "ბათუმელების" დირექტორის ჯანმრთელობის მდგომარეობა საფრთხის ქვეშაა. 

მას აქვს რამდენიმე ქრონიკული დაავადება, რომელზეც ძალიან დიდ და ცუდ ზეგავლენას იქონიებს ეს შიმშილობა. რა თქმა უნდა, ვცადეთ, რომ გადაწყვეტილების მიმღები პირებისთვის მიგვეწოდებინა ინფორმაცია ამ ყველაფრის შესახებ, გენერალურ პროკურატურასა ვგულისხმობ, თუმცა მათგან არანაირი უკუკავშირი, თუ არ ჩავთლით, რომ აჭარის პროკურატურიდან დაგვიკავშირდნენ და გვითხრეს, რომ ერთ-ერთი პროკურორი შეგვხვდებოდა, არ გვქონია. კვლავ დაჟინებით მოვითხოვ, რომ შემხვდეს გენერალური პროკურორი და მიიღოს ინფორმაცია, რის მიწოდებასაც ვცდილობ. მთავარი თხოვნა და მოთხოვნა იქნება, რომ შეუცვალონ მას აღკვეთის ღონისძიების ფორმა პატიმრობა სხვა აღკვეთის ღონისძიებით და მათსავე სასამართლომ განიხილოს, რამდენად არის მზია დამნაშავე. მზია არ არის დამნაშავე, მითუფრო, წარმოუდგენელია იმ მულით განსჯა მზიასი, რა მუხლიც წარუდგინეს, - ამბობს თურაძე. 

დაკავებული ჟურნალისტის ადვოკატი ამბობს, რომ მისი დაცვის ქვეშ მყოფის ჯანმრთელობა ჯერჯერობით სტაბილურია, თუმცა იმ ფონზე, რომ ამაღლობელი წყლის გარდა მე-16 დღეა არაფერს იღებს, კრიტიკული მომენტი აუცილებლად დადგება.

დღეს მოვინახულებთ მზია ამაღლობელს პენიტენციურ დაწესებულებაში, ადგილზე გავეცნობით მის ჯანმრთელობის მდგომარეობას. ჯერჯერობით მისი მდგომარეობა არის სტაბილური, მაგრამ გვაქვს მოლოდინი, რომ ეს მდგომარეობა დიდხანს ვერ გაგრძელდება ამ ფორმით, ვინაიდან მისი შიმშილობა არის უკიდურესად გამოხატული. ის არ იღებს საკვებს, არანაირ დანამატებს, არის მხოლოდ წყალზე და დღევანდელი დღიდან, ფაქტობრივად, შეგვიძლია ვთქვათ, რომ იქნება კრიტიკული მომენტი, ვინაიდან სამედიცნო თვალსაზრისით ორგანიზმი და ადამიანის ჯანმრთელობა ამ კუთხით ვერ გასტანს სტაბილურად დიდხანს და შესაბამისად, ვაპირებთ, მივმართოთ პენიტენციურ დაწესებულებას სამედიცინო მონიტორინგის უფრო აქტიურად განხორციელების თაობაზე და ასევე ვაპირებთ, მივმართოთ სახალხო დამცველს, - ამბობს ადვოკატი.  

შეგახსენებთ, რომ მზია ამაღლობელი 11 იანვარს ბათუმში მიმდინარე პროევროპულ აქციაზე პლაკატის გაკვრისთვის დააკავეს, მოგვიანებით კი გაათავისუფლეს. გათავისუფლებიდან რამდენიმე წუთში ის სისხლის სამართლის კოდექსით დააკავეს. მას ედავებიან ბათუმის პოლიციის უფროსისთვის, ირაკლი დგებუაძისთვის სილის გაწვნას და ამისთვის პროკურატურა მისთვის ოთხიდან შვიდ წლამდე პატიმრობას ითხოვს (სისხლის სამართლის კოდექსის 353-ე პრიმა მუხლის პირველი ნაწილი).

14 იანვარს მზია ამაღლობელს ბათუმის საქალაქო სასამართლომ „წინასწარი პატიმრობა“ შეუფარდა. ამაღლობელის დაკავებას მგმოეხმაურა მრავალი საერთაშორისო ინსტიტუტი და ორგანიზაცია. "რეპორტიორებმა საზღვრებს გარეშე" და ევროკავშირმა ამაღლობელის უპირობო გათავისუფლება მოითხოვეს.

#თავისუფლებამზიას

ავტორი: ექსპრესნიუსი,

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება