სალომე ზურაბიშვილი გახლავთ გამაერთიანებელი ფიგურა როგორც ქვეყნის შიგნით ხალხის, ოპოზიციური ძალების, ასევე ის წარმოადგენს საქართველოს ინტერესებს საუკეთესოდ საერთაშორისო არენაზე, – ამის შესახებ „ძლიერი საქართველოს“ წევრმა, ლანა გალდავამ განაცხადა.

გალდავამ კომენტარი გააკეთა გიორგი ვაშაძის განცხადებაზე, რომელშიც ის საერთო დიდი პოლიტიკური პლატფორმის შექმნასა და ძალების გაერთიანებაზე საუბრობდა.

„ჩვენ ვართ ხელმომწერები მის მიერ დაინიცირებული „ქართული ქარტიის“, რაც არის სხვა ოპოზიციურ კოლეგებთან ერთად ვალდებულების აღება რეფორმების შესრულებაზე. ამავდროულად, ჩვენ ვმონაწილეობთ სხვა ოპოზიციურ და არასამთავრობო ორგანიზაციებთან ერთად სალომე ზურაბიშვილის მიერ დაინიცირებულ ჯგუფში, რომელიც მუშაობს არჩევნების მიმართულებით. ამიტომ ჩვენ გვაქვს ძალიან ხშირი კომუნიკაცია, უფრო მეტის შესახებ საუბარი ამ ეტაპზე არის ნაადრევი, გამოიკვეთება თანამშრომლობის პროცესში. მე ზუსტად ვერ გავიგე, რა იგულისხმა ბატონმა გიორგიმ. ოპოზიციას, კოორდინაციის თვალსაზრისით, საგარეო და საშინაო ასპარეზზე ჩვენი ქვეყნის საუკეთესო ინტერესების წარმოსაჩენად პრობლემა ნამდვილად არ გვაქვს“, – განაცხადა გალდავამ.

ავტორი: ექსპრესნიუსი,

სოციალური ქსელები

დრონებმა რუსეთის ტულის რეგიონში მდებარე „აზოტის“ ქიმიურ ქარხანას შეუტიეს

Intelligence Online: თურქული კომპანიების ქსელი რუსეთის „ჩრდილოვანი ფლოტის“ ცენტრი ხდება

ვენესუელაში მომხდარი მიწისძვრის შედეგად დაღუპულთა რიცხვმა 230-ს გადააჭარბა

ნატო უკრაინისთვის 70 მილიარდი ევროს ღირებულების იარაღის მიწოდებას გეგმავს