ევროპის საბჭოს საპარლამენტო ასამბლეის (PACE) დელეგაცია საქართველოში ვიზიტის ფარგლებში ოპოზიციის წარმომადგენლებს ხვდება. ოპოზიციის ლიდერებთან შეხვედრებში პრიორიტეტული საკითხები კვლავ არჩევნების გაყალბება და ადამიანის უფლებების მასობრივი დარღვევაა. „ერთიანობა ნაციონალური მოძრაობის“ თავმჯდომარემ, თინა ბოკუჩავამ, ჟურნალისტებთან საუბრისას განაცხადა, რომ დელეგაციის ვიზიტი არ ემსახურება არალეგიტიმური ხელისუფლების აღიარებას. მისი თქმით, დელეგაციამ საქართველოში ჩამოსვლამდე ოფიციალურად დაადასტურა, რომ ვიზიტის მიზანი არა ხელისუფლების ლეგიტიმაცია, არამედ საქართველოს ხელისუფლების მიერ ადამიანის უფლებების დარღვევის მტკიცებულებების შეგროვებაა. „ევროსაბჭოს თანამომხსენებლებმა განაცხადეს, რომ მათთვის მთავარი ამოცანა იქნება ადამიანის უფლებების დარღვევების და რეპრესიული პოლიტიკის დამტკიცება, რის გამოც ისინი შეხვდებიან დაკავებულებს და იმ ადამიანებს, რომლებიც ხელისუფლების მიერ ჩადენილი წამების და არაადამიანური მოპყრობის მსხვერპლნი გახდნენ“, - აღნიშნა ბოკუჩავამ. PACE-ის წევრები უკვე შეხვდნენ „კოალიცია ცვლილებებისათვის“ წევრებს, რომლებმაც, ქვეყანაში ბოლო დროს განვითარებულ მოვლენებზე, არჩევნების შედეგებზე და ხელისუფლების ზომებზე ისაუბრეს.

ზურაბ ჯაფარიძემ შეხვედრაზე აღნიშნა, რომ დელეგაციას საპროტესტო აქციებზე, პოლიციის უპასუხისმგებლობაზე და რეპრესიებზე ინფორმაცია მიაწოდეს. მისი განმარტებით, ამ პროტესტის დასასრულებლად აუცილებელია პოლიტიკური პატიმრების გათავისუფლება და ახალი, თავისუფალი არჩევნების ჩატარება. ამ დროისთვის, PACE-ს დელეგაცია კოალიცია „ძლიერი საქართველოს“ ლიდერებს ხვდება, და მათი შეხვედრები კიდევ გაგრძელდება.

ავტორი: ექსპრესნიუსი,

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე