2025-01-15 14:19:49, 385 ნახვა
პოლიტიკა
15 საათიდან წალენჯიხის მერია მუშაობას შეწყვეტს
საყოველთაო გაფიცვას უერთდება წალენჯიხის მუნიციპალიტეტის მერია. 15 საათიდან მერია მუშაობას შეწყვეტს და თანამშრომლები სახლებში წავლენ. შესაბამისი განცხადება მერიის წარმომადგენლებმა ცოტა ხნის წინ გააკეთეს და აღნიშნეს, რომ შექმნილ ვითარებაში ერთადერთი გამოსავალი სწორედ საყოველთაო გაფიცვაა.
დღეს, გამაფრთხილებელი გაფიცვა ქვეყნის მასშტაბით 15 საათიდან დაიწყება. პროტესტს შეუერთდება ანტისაოკუპაციო რესტო - ბარი გორში. მუშაობას შეაჩერებენ რეგიონის სხვა კომერციული დაწესებულებებიც. ასევე,საყოველთაო გაფიცვას შეუერთდებიან მოვაჭრეების ნაწილიც. ადგილობრივი მედიის ცნობით, ხაშურის ბაზარში 15 საათიდან ხორცი აღარ გაიყიდება.
ავტორი: ექსპრესნიუსი,
epn.ge (@expressnews.ge)
