სისხლის სამართლის საერთაშორისო სასამართლოს(ICC) მიერ ისრაელის პრემიერ-მინისტრ ბენიამინ ნეთანიაჰუს და თავდაცვის ყოფილი მინისტრის იოავ გალანტის დაპატიმრების ორდერების გაცემის გამო, აშშ-ის კონგრესის ქვედა, წარმომადგენელთა პალატამ მხარი დაუჭირა სასამართლოს ოფიციალური პირების წინააღმდეგ სანქციების დაწესებას.

წარმომადგენელთა პალატამ მიიღო კანონპროექტი არალეგიტიმური სასამართლოს საწინააღმდეგო ქმედებების შესახებ. ის ითვალისწინებს ნებისმიერი უცხოელის სანქცირებას აშშ-ის და მისი მოკავშირე ქვეყნების, მათ შორის ისრაელის მოქალაქეების წინააღმდეგ სისხლისამართლებრივი დევნის, დაკავების, ან დაპატიმრების გადაწყვეტილებისთვის ისეთ სასამართლოებში, რომელთა შემადგენლობაში ეს ქვეყნები არ არიან.

სააგენტო Reuters-ის ინფორმაციით, კანონპროექტს მხარი დაუჭირა კონგრესის წარმომადგენელთა პალატის 243-მა წევრმა - 198-მა რესპუბლიკელმა და 45-მა დემოკრატმა. წინააღმდეგი იყო 140.

კონგრესის წარმომადგენელთა პალატის საგარეო ურთიერთობათა კომიტეტის თავმჯდომარემ, რესპუბლიკელმა ბრაიან მასტმა განაცხადა, რომ ამერიკა ამ კანონს იღებს, რადგან უკანონო სასამართლო შეერთებული შტატების დიდი მოკავშირის, ისრაელის პრემიერ-მინისტრის დაპატიმრებას ცდილობს.

წარმომადგენელთა პალატის უმრავლესობაში რესპუბლიკელები არიან, ისევე, როგორც კონგრესის ზედა პალატაში, სენატში, სადაც კანონპროექტს კენჭს უახლოეს ხანში უყრიან და ხელმოსაწერად ინაუგურაციის შემდეგ გაუგზავნიან რესპუბლიკელ პრეზიდენტ დონალდ ტრამპს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია