"კოალიცია არ უნდა შედგებოდეს არეული რასისგან, ცისფერსისხლიანებისგან, პლებეებისგან და მონებისგან," – ასე გამოეხმაურა საპარლამენტო უმრავლესობის ერთ-ერთი ლიდერი თამაზ მეჭიაური პრემიერ-მინისტრის განაცხადებას.

დეპუტატი ვერ აკონკრეტებს, ვის შეიძლება  მოუწიოს თანამდებობის დატოვება, თუმცა მიიჩნევს, რომ ცვლილებების შემთხვევაში  „კოალიცია გასუფთავდება“.

"პრემიერის პრეროგატივაა და მან უნდა გადაწყვიტოს რას იზამს. უკეთეს შემთხვევაში კოალიცია გასუფთავდება. ჩემი აზრით, ერთი მხრივ, კოალიცია არ უნდა შედგებოდეს არეული რასისგან, ცისფერსისხლიანებისგან და პლებეებისგან, მეორე მხრივ, მონებისგან. ის უნდა იყოს თანაბარი როგორც პიროვნებების კუთხით, ასევე პოლიტიკური ჯგუფებით. ზოგიერთი პოლიტიკური ძალის წარმომადგენელი - რიგითი სადღაც თავს უფლებას აძლევს, რომ კოალიციის დამაარსებლით ერთი მხრივ ისარგებლოს და ის, რაც მისგან აქვს, მიიღოს და მეორე მხრივ, ის კრიტიკის ქარ-ცეცხლში საჯაროდ გაატაროს. ამაზე კი, მისი არც ერთი თანაპარტიელი საწინააღმდეგო განცხადებას არ აკეთებს. ამასთანავე, ერთი სიტყვის შეშლისთვის სხვას - კოალიციის სხვა წევრს ლამის ცოცხლად მარხავენ. ასეთი განსხვავებული მიდგომები სანამ იქნება, კოალიციას ობიექტურობის საფუძველი არ ექნება. ამ შეფასებას კონკრეტული ადრესატი რომ არ ჰყავდეს, არ ვიტყოდი", - განაცხადა მეჭიაურმა.

დეპუტატი აქვე დასძენს, კარგია, რომ პრემიერმინისტრმა ეკონომიკური საკითხების შემდეგ, პოლიტიკისთვის მოიცალა. დეპუტატი ამბობს, რომ კვირიკაშვილის განცხადება იყო დაბალანსებული და ის გამოდიოდა არა რომელიმე პარტიის ინტერესებიდან, არამედ ქვეყნის ინტერესებიდან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა