2025-01-04 15:44:51, 603 ნახვა
საზოგადოება
15 იანვარს საყოველთაო გამაფრთხილებელი გაფიცვა დაანონსდა
"იფიცება საქართველო" - 15 იანვარს, 15 საათზე საყოველთაო გამაფრთხილებელი გაფიცვა დაანონსდა - ამის შესახებ ინფორმაცია სოციალურ ქსელში ვრცელდება.
15 იანვარს, 15:00 საათზე, დამსაქმებლები და დასაქმებულები ვაწყობთ საყოველთაო გამაფრთხილებელ გაფიცვას!
3 საათის განმავლობაში დროებით დავკეტავთ ჩვენს კარს და დავდგებით გარეთ. ჩვენი გაფიცვით ვაჩვენებთ თუ რა გველის იზოლაციის პირობებში:
• გაჩერებული ეკონომიკა;
• დაკეტილი ბიზნესი;
• სიღარიბე და უმუშევრობა.
საფრთხეც და გამოსავალიც ყველასთვის საერთოა – ახალი არჩევნები და დაკავებულების გათავისუფლება.
ამიტომ:
იმის მიუხედავად თუ სად მუშაობ, ბიზნესის მფლობელი ხარ, მენეჯერი თუ დასაქმებული – შემოგვიერთდი!
იფიცება საქართველო! " - წერია ინფორმაციაში.
ავტორი: ექსპრესნიუსი,
epn.ge (@expressnews.ge)
