2024-12-04 11:26:04, 495 ნახვა
საზოგადოება
აქციაზე „ფორმულას“ ოპერატორი თედო ქვაჩახია დაშავდა
თბილისში, რუსთაველის გამზირზე „ფორმულას“ ოპერატორი თედო ქვაჩახია დაშავდა. ამის შესახებ ინფორმაციას ტელეკომპანია „ფორმულა ავრცელებს.
ტელეკომპანიის ცნობით, ქვაჩახიას დაზიანებები თავის არეში აქვს, რის გამოც მისი კლინიკაში გადაყვანა გახდა საჭირო.
მათივე ინფორმაციით, ოპერატორი მანამდე მხუთავი აირითაც დაზიანდა.
აღსანიშნავია, რომ წუხელ საპროტესტო აქციაზე საზოგადოებრივი მაუწყებლის ოპერატორი ბესო გაფრინდაშვილიც დაშავდა.
საზოგადოებრივი მაუწყებლის ცნობით, გაფრინდაშვილს ხელი ჰქონდა დაზიანებული და ისიც სამედიცინო დაწესებულებაში გადაიყვანეს.
ავტორი: ექსპრესნიუსი,
epn.ge (@expressnews.ge)
