თუ რამეს უნდა ვითხოვდეთ დღეს ოპოზიციისგან, მანდატების და სიების ჩახსნაა,- ამის შესახებ „კოალიცია ცვლილებისთვის“ ერთ-ერთი ლიდერი ნიკა მელია სოციალურ ქსელ „ფეისბუქზე“ წერს.

მელიას განცხადებით, პროცესის ამ ეტაპზე, ყველაზე მნიშვნელოვანი იყო და არის „ქართული ოცნების“ მარტო დატოვება ე.წ. მე-11 მოწვევის პარლამენტში და „არა გათითოკაცება და დამნაშავის ძებნა ოპოზიციაში“.

„პროცესის ამ ეტაპზე, ყველაზე მნიშვნელოვანი იყო და არის „ოცნების“ მარტო დატოვება ე.წ. მე-11 მოწვევის პარლამენტში და არა გათითოკაცება და დამნაშავის ძებნა ოპოზიციაში. 

იმისთვის, რომ მივაღწიოთ ახალ არჩევნებს, საჭიროა:

არაღიარების შენარჩუნება დემოკრატიული მსოფლიოს მხრიდან მანდატების და სიების ჩახსნა ოპოზიციის მხრიდან - ეს პროცესი ჯერ არ განხორციელებულა! თუ რამეს უნდა ვითხოვდეთ დღეს ოპოზიციისგან, ზუსტად და პირველ რიგში ამას.

ამ გზით უნდა მივიდეთ სრულ დელეგიტიმაციამდე, მივიდეთ ახალ არჩევნებამდე, სადაც ნებისმიერი შეძლებს, ვინც არ მოსწონს, ის არ აირჩიოს. 

საპროტესტო მოძრაობაში განხვავებული ხალხი ვართ, წარსულში ვერ ვთანხმდებოდით ბევრ საკითხზე, ვერ შევთანხმდებით ბევრ რამეზე მომავალშიც, მაგრამ  ეს მომავალი ჯერ უნდა გვქონდეს, მომავლამდე უნდა მივიდეთ. 

არ შემიძლია, არ გავაკეთო მცირე კომენტარი, ყველა იმ ადამიანზე, ვინც ამ პროცესში სოციალური კაპიტალის მოპოვებას სხვისი კრიტიკით, დამუნათებით ცდილობს, ან გუშინ თბილი სტუდიიდან აკრიტიკებდა, ჯერ კიდევ მიმდინარე ცუდ თუ კარგ აქციას. 

ასეთი, სხვისი კრიტიკის ხარჯზე კაპიტალიზირებული საპნის ბუშტი ბევრი მინახავს, შემდეგ ასეთივე წარმატებით გახეთქილი და დღეს სახელებიც არ გვახსოვს. 

ჩემი და ჩემი მეგობრების მიმართ წამოსული კრიტიკაც ბევრი მინახავს, ხან მოქმედებისთვის გვაკრიტიკებდნენ, ხან უმოქმედობისთვის, ბრაზიც მესმის და მისი სუბლიმაციის სურვილიც, უბრალოდ ამ პროცესში მიზანი ნუ  დაგვავიწყდება“,- წერს ნიკა მელია.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა