სანამ ოპოზიცია ცალსახად და საბოლოოდ არ ჩაეხსნება პარლამენტს, ნუ გვექნება იმედი, რომ პროტესტი და წინააღმდეგობა მასობრივ სახეს მიიღებს,- ამის შესახებ ჟურნალისტი ნინო ჯანგირაშვილი სოციალურ ქსელში წერს.

ჯანგირაშვილის განცხადებით, „ქართული ოცნების“ საპატიო თავმჯდომარე ბიძინა ივანიშვილისთვის „სასიცოცხლოდ მნიშვნელოვანია, ოპოზიცია პარლამენტში შეიყვანოს“.

„არც უნდობლობის გაღვივება მინდა და არც ნიჰილიზმის და აპათიის. მაგრამ, დებილი არავინ არ არის და ხალხი მშვენივრად გრძნობს, რა იქნება შემდეგი: ივანიშვილისთვის სასიცოცხლოდ მნიშვნელოვანია, ოპოზიცია შეიყვანოს პარლამენტში. სხვანაირად მთელი მისი „შრომა“, რაც გაყალბებისთვის დახარჯა, ფუჭია. ფსონებს გაზრდის. საკმაოდ დიდ თანხებს შესთავაზებს ოპოზიციონერ ინდივიდებს. ყველას არა, სუსტ რგოლებს მოძებნის. ნაწილიც ეყოფა იმისთვის, რომ პარლამენტს ლეგიტიმურობის ელფერი მისცეს და ხალხი საბოლოოდ აპათიაში ჩააგდოს, წლობით გათიშოს პროცესიდან. უკვე დაიწყო ხალხის ლანძღვა, რომ ქუჩაში არ გამოდის ბევრი. არც გამოვა, სანამ ექნება განცდა, რომ ისევ მოატყუებენ, გადააგდებენ და მიაფურთხებენ.  2020–დან დიდი დრო არ გასულა და ყველას ყველაფერი კარგად ახსოვს. ამიტომ, სანამ ოპოზიცია ცალსახად და საბოლოოდ არ ჩაეხსნება პარლამენტს, ნუ გვექნება იმედი, რომ პროტესტი და წინააღმდეგობა მასობრივ სახეს მიიღებს. და მოეშვით ხალხის დამუნათებას. ჯერ კიდევ შოკშიდან ვერ გამოვსულვართ იმის გამო, რომ ამდენი ტვინიკოსი აზრზეც ვერ მოვიდა, ისე გააყალბა „ქოცმა“ არჩევნები. რატომ მოხდა ასე, მაგაზე, ალბათ, ცალკე უნდა ვილაპარაკოთ, თან ბევრი“,- წერს ჯანგირაშვილი.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა