ხვალ, "გასტრო ბათუმზე" მიშლენის ვარკვლავის მქონე რესტორნების შეფები და გასტრონომიის საერთაშორისო ექსპერტები ქართველ კოლეგებთან ერთად ავთენტიკური კულინარიისა და თანამედროვე გასტრონომიის შესახებ ისაუბრებენ. ამის შესახებ ინფორმაციას აჭარის ტურიზმისა და კურორტების დეპარტამენტი ავრცელებს.

დეპარტამენტის ცნობით, ფორუმის სპიკერებს შორისაა გასტრონომიის ცნობილი ექსპერტები და შეფები საფრანგეთიდან, შვეიცარიიდან და საბერძნეთიდან.

"ფორუმის საპატიო სტუმარია მიშლენისა და Gault et Millau-ის, საერთაშორისო გასტრონომიული ექსპერტი სებასტიან რიპარი, რომელიც ფორუმზე XXI საუკუნეში გასტრონომიის განვითარების ისტორიისა და გასტრო-გაიდების მნიშვნელობის შესახებ ისაუბრებს. მას საერთაშორისო ბრენდებთან და შეფებთან თანამშრომლობის 30 წლიანი გამოცდილება აქვს. 

ფორუმზე შეფებისთვის კონკურსების მნიშვნელობასა და გასტრონომიის განვითარებაზე ისაუბრებს მსოფლიო მასშტაბით აღიარებული კონდიტერი ნიკოლა გეღსიო, რომელიც თავისი დახვეწილი და უნიკალური ნამუშევრებით გამოირჩევა. ის ამჟამად, პარიზის Lutetia Palace-ის აღმასრულებელი კონდიტერი და პარიზის Ferrandi-ს უმაღლეს კულინარიული სკოლის შეფ- ინსტრუქტორია. საინტერესოა ფორუმის კიდევ ერთი სპიკერი, კულინარიის ექსპერტი ბერტრან ვალეჟა, რომელსაც მიშლენის 1* და 2* მფლობელ რესტორნებსა და 5* სასტუმროებთან მუშაობის 25-წლიანი გამოცდილება აქვს. ის ფორუმის სტუმრებს ხმელთა შუა ზღვის სამზარეულოს ჩამოყალიბების ისტორიისა და მისი განვითარების ძირითად ეტაპების შესახებ გაუზიარებს გამოცდილებას. ვალეჟა  "Mandarin Oriental, Costa Navarino"-ს აღმასრულებელი შეფია. გასული წლის მსგავსად, გასტრო ბათუმს წელსაც ეწვევა საფრანგეთის კულინარიისა და სტუმართმასპინძლობის ინდუსტრიის უმაღლესი სკოლის  FERRANDI Paris- შეფ ინსტრუქტორი სტეფან იაკიჩი და  ამავე სკოლის საერთაშორისო პროექტების  მენეჯერი ნიკოლოს კალიარდი. ადგილობრივ  სპიკერებს შორის იქნებიან ბრენდ შეფი, მანუელ ფაუნდეს ბარანდა, წისქვილი ჯგუფის ბრენდ შეფი ალექსანდრე ნათაძე,  სასტუმრო ბიზნესის ექსპერტი მაია წერეთელი, Gault&Millau საქართველოს დამფუძნებელი მია კუპრავა და რესტორანი ოცი-ს შეფ მზარეული და დამფუძნებელი გიორგი ნინუა. 

გასტრო ფორუმის პირველ დღეს, გარდა ოფიციალური სესიებისა, ასევე იგეგმება გათანამედროვებული აჭარული სამზარეულოს საჩვენებელი კულინარიული მასტერკლასი (6 COURSE მენიუს პრეზენტაცია და დაგემოვნება), რომელსაც ადგილობრივი შეფ-მზარეულები ირაკლი თოდაძე - მულტიფუნქციური სივრცე G17, იურა აგარიანი - რესტორანი ,,რუსთაველი'', დავით თურმანიძე - რესტორანი ,,რუსთაველი',  თამარ ბეგიაშვილი - Courtyard By Marriott Batumi და ნინო აგუმბა - Dolci 17 წარმოადგენენ. 17-18 ნოემბერს კი მიშლენის ვარსკვლავის მქონე რესტორნების შეფები ადგილობრივი მზარეულებისთვის ჩაატარებენ თევზის, ხორცისა და კონდიტერიის მასტერკლასებს. ფორუმის ფარგლებში ასევე იგეგმება ვიდეორეცეპტების მომზადებაც. მათი ნახვა მსურველებს serviceajara.ge-ზე შეეძლებათ. ფორუმზე დასწრება  ადგილობრივ შეფებს, მზარეულებს, რესტორატორებს და ზოგადად, გასტრონომიულ ტურიზმში ჩართულ პირებს შეუძლია",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი