2024-10-17 10:08:43, 556 ნახვა
ომი უკრაინაში
უკრაინის საჰაერო ძალები - რუსეთის მიერ გაშვებული 56 დრონიდან 22 ჩამოვაგდეთ
17 ოქტომბრის ღამეს, უკრაინამ რუსეთის მიერ გაშვებული 56 უპილოტო საფრენი აპარატიდან 22 ჩამოაგდო. ამის შესახებ ინფორმაციას უკრაინის საჰაერო ძალები Telegram-ზე ავრცელებს.
საჰაერო ძალების ცნობით, დრონების ჩამოგდება სუმის, კიევის, პოლტავის, ჩერნიგოვის, ჟიტომირის, მიკოლაევის, ჩერკასის, ოდესისა და ტერნოპოლის ოლქებში მოხდა.
თავდასხმის მოგერიებაში ავიაცია, საზენიტო-სარაკეტო ძალები, ელექტრონული ომის დანაყოფები და უკრაინის საჰაერო ძალების და თავდაცვის ძალების მობილური საცეცხლე ჯგუფები მონაწილეობდნენ.
ავტორი: ექსპრესნიუსი,
epn.ge (@expressnews.ge)
