უკრაინის პრეზიდენტი ვოლოდიმირ ზელენსკი, საფრანგეთის შემდეგ, იტალიაში ჩავიდა და იტალიის პრემიერ-მინისტრს, ჯორჯია მელონს შეხვდა. ამის შესახებ ზელენსკი სოციალურ ქსელ X-ზე წერს. 

როგორც ზელენსკი წერს, შეხვედრაზე მელონის უკრაინის "გამარჯვების გეგმა" გააცნო.

"მთავარია, გავაძლიეროთ უკრაინის პოზიცია და ჩვენი ურთიერთობები უახლოეს მოკავშირეებთან, რათა შევქმნათ საჭირო პირობები სამართლიანი დიპლომატიისთვის. მსოფლიოს შეუძლია, დაინახოს, რომ რუსეთი უგულებელყოფს რეალურ დიპლომატიას და მშვიდობის ფორმულას, რომელიც ჩვენ შევთავაზეთ ამ ომის სამართლიანად დასასრულებლად",- წერს ზელენსკი.

აღსანიშნავია, რომ უკრაინის პრეზიდენტი ვიზიტის ფარგლებში რომის პაპ ფრანცისკესაც შეხვდება.

შეგახსენებთ, გუშინ, 10 ოქტომბერს უკრაინის პრეზიდენტი ვოლოდიმირ ზელენსკი საფრანგეთის ლიდერს, ემანუელ მაკრონს შეხვდა. ზელენსკის თქმით, მოლაპარაკებებისას "ცეცხლის შეწყვეტაზე“ საუბარი არ ყოფილა.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე