საქართველოს გენერალური პროკურორი გიორგი გაბიტაშვილი ბაქოში, პროკურორთა საერთაშორისო ასოციაციის (IAP) 29-ე წლიური კონფერენციის ფარგლებში, სხვადასხვა ქვეყნის გენერალური პროკურატურების ხელმძღვანელ პირებს შეხვდა.

გიორგი გაბიტაშვილმა ორმხრივი შეხვედრები გამართა აზერბაიჯანის რესპუბლიკის გენერალურ პროკურორთან, კამრან ალიევთან, ამერიკის შეერთებული შტატების გენერალური პროკურორის მოადგილესთან და საერთაშორისო ურთიერთობების მდივათან, ბრიუს შვარცთან, ინგლისის და უელსის პროკურატურის დირექტორთან, სტივენ პარკინსონთან, თურქეთის რესპუბლიკის უმაღლესი სააპელაციო სასამართლოს გენერალურ პროკურორთან, მუჰსინ შენტურქთან, საუდის არაბეთის სამეფოს გენერალურ პროკურორთან, საუდ აბდულლაჰ მ. ალშარიფთან და რუმინეთის გენერალურ პროკურორთან, ალექს ფლორენტასთან.

შეხვედრებს გენერალური პროკურორის მოადგილეები ნათია მერებაშვილი და გიორგი ბადაშვილი, საერთაშორისო ურთიერთობებისა და სამართლებრივი უზრუნველყოფის დეპარტამენტის უფროსი ირაკლი ჩილინგარაშვილი და ევროჯასთში საქართველოს მეკავშირე პროკურორი გიორგი გოგაძე ესწრებოდნენ.

საუბარი შეეხო შესაბამისი ქვეყნების კომპეტენტურ უწყებებს შორის სისხლის სამართლის სფეროში ურთიერთდახმარების მნიშვნელობასა და საერთაშორისო თანამშრომლობის სამომავლო გაღრმავების პერსპექტივებს.

ინფორმაციას გენერალური პროკურატურა ავრცელებს.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა