რაღაც უნდა შეეთანხმებინა მამუკას თავის გუნდთან და სამწუხაროდ, ჯერ არ გამოდის ეს შეთანხმება,- ამის შესახებ "საქართველოსთვის" ლიდერმა, გიორგი გახარიამ "ძლიერი საქართველოს" ლიდერთან, მამუკა ხაზარაძესთან შეხვედრის შემდეგ განაცხადა.

როგორც გახარიამ ჟურნალისტებს უთხრა, პრეზიდენტთან საუბარი გაგრძელდება.

"პრეზიდენტს დაველაპარაკები. სამწუხაროდ, მოგეხსენებათ, რაღაც უნდა შეეთანხმებინა მამუკას და სამწუხაროდ, ჯერ არ გამოდის ეს შეთანხმება, ჩემდა სამწუხაროდ... 

არა, რა თქმა უნდა... მამუკას უნდა შეეთანხმებინა თავის გუნდთან, როგორც ჩანს, ვერ მოახერხა ჯერჯერობით ამის შეთანხმება, ვნახოთ, დაველოდებით",- თქვა გახარიამ.

შეგახსენებთ, 16 სექტემბერს, საქართველოს პრეზიდენტმა, სალომე ზურაბიშვილმა განაცხადა, რომ "ძლიერი საქართველოს" ლიდერ მამუკა ხაზარაძესა და "საქართველოსთვის" ლიდერ გიორგი გახარიას გაერთიანების საკითხზე​ მოლაპარაკებებისთვის ორბელიანების სასახლეში იწვევდა.

გუშინ, 17 სექტემბერს ვიდრე ხაზარაძე და გახარია ზურაბიშვილს შეხვდებოდნენ, პირისპირ შეხვედრა გამართეს. დღეს, 18 სექტემბერს კი, ორი ლიდერის შეხვედრის მეორე რაუნდი გაიმართა.

ავტორი: ექსპრესნიუსი,

სოციალური ქსელები

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ

ბაზისბანკის მხარდაჭერით საქართველოს ეკონომიკის ასოციაციის II საერთაშორისო კონფერენცია გაიმართა