2024-09-10 10:09:59, 408 ნახვა
მსოფლიო
ღაზაში აცხადებენ, რომ ისრაელის მიერ ჰუმანიტარულ ზონაზე თავდასხმას 40 ადამიანი ემსხვერპლა - 65 დაშავებულია
ისრაელის მიერ ჰუმანიტარულ ზონაზე თავდასხმას, 40 ადამიანი ემსხვერპლა, 65 კი დაშავდა. ამის შესახებ ინფორმაციას BBC "ჰამასის" სამოქალაქო თავდაცვის ორგანოზე დაყრდნობით ავრცელებს.
მედიის ცნობით, ეს რიცხვი მოიცავს მხოლოდ იმ ადამიანებს, რომლებიც იპოვეს და საავადმყოფოებში გადაიყვანეს - ნანგრევების ქვეშ კი, ბევრად მეტი ადამიანია, მსხვერპლთა შორის არიან ქალები და ბავშვები.
"ჰამასის" სამოქალაქო თავდაცვის ორგანოს ინფორმაციით, ჰუმანიტარულ ზონაში 4 რაკეტა ჩამოვარდა და სულ მცირე, 20 კარავი დაიწვა.
"ჩვენი სამიზნე იყო "ჰამასის" სამეთაურო ცენტრი", - განაცხადეს ისრაელის თავდაცვის ძალებში.
ავტორი: ექსპრესნიუსი,
epn.ge (@expressnews.ge)
