2024-09-09 16:41:28, 402 ნახვა
მსოფლიო
სტანო - ევროკავშირი გმობს რუსეთის მიერ ოკუპირებულ ყირიმსა და სევასტოპოლში ჩატარებულ ადგილობრივ არჩევნებს
ევროკავშირი გმობს რუსეთის მიერ ოკუპირებულ ყირიმსა და სევასტოპოლში ჩატარებულ ადგილობრივ არჩევნებს, - ამის შესახებ ევროკავშირის საგარეო პოლიტიკური უწყების წარმომადგენელმა, პიტერ სტანომ განაცხადა.
სტანოს თქმით, ომის დასასრულებლად ერთი გზა არსებობს, რომ რუსეთმა ყველა სამხედრო ძალა და ტექნიკა უკრაინის ტერიტორიიდან გაიყვანოს.
"ევროკავშირი არ აღიარებს ყირიმში ჩატარებულ ე.წ. არჩევნებს და მათ შედეგებს. ისინი ბათილად ითვლება და ვერ ექნება სამართლებრივი შედეგები. რუსეთის ხელმძღვანელობა და ამ უკანონო ქმედებების ორგანიზებაზე პასუხისმგებელი პირები პასუხს აგებენ. რუსეთის შეჭრიდან და ყირიმის უკანონო ანექსიის მცდელობიდან ათ წელზე მეტი ხნის შემდეგ, ევროკავშირი ხაზს უსვამს თავის პოზიციას, ყირიმი არის უკრაინა", - განაცხადა სტანომ.
ავტორი: ექსპრესნიუსი,
epn.ge (@expressnews.ge)
