2024-08-26 16:21:08, 464 ნახვა
მსოფლიო
აზერბაიჯანის საგარეო - აზერბაიჯანმა ევროპის საბჭოს საპარლამენტო ასამბლეის დეპუტატებს ქვეყანაში შესვლა აუკრძალა
აზერბაიჯანმა ევროპის საბჭოს საპარლამენტო ასამბლეის (PACE) დეპუტატებს ქვეყანაში შესვლა აუკრძალა, რომლებმაც ორგანიზაციაში აზერბაიჯანის დელეგაციის უფლებამოსილების რატიფიკაციის წინააღმდეგ მისცეს ხმა. ამის შესახებ განცხადებას აზერბაიჯანის საგარეო საქმეთა სამინისტროს პრესსამსახური ავრცელებს.
როგორც აზერბაიჯანის საგარეო საქმეთა სამინისტროს პრესსამსახურის ხელმძღვანელმა, აიხან ჰაჯიზადემ განაცხადა, პირები, რომლებმაც ევროპის საბჭოს საპარლამენტო ასამბლეაში აზერბაიჯანის დელეგაციის წინააღმდეგ ხმა მისცეს, “არასასურველ პირთა“ სიაში შეიყვანეს.
“ზემოხსენებული პირები აზერბაიჯანში თუ ჩამოვლენ PACE-ში ჩვენი დელეგაციის მანდატის აღდგენამდე, მათ უარს ეტყვიან ქვეყანაში შესვლაზე“,- აღნიშნავენ აზერბაიჯანის საგარეო საქმეთა სამინისტროში.
ავტორი: ექსპრესნიუსი,
epn.ge (@expressnews.ge)
