მიჩიგანის სახელმწიფო უნივერსიტეტის სამეცნიერო დელეგაცია, რომელსაც  მკვლევარი და მევენახე ენდი ფლესი ხელმძღვანელობდა, სსიპ სოფლის მეურნეობის სამეცნიერო-კვლევითი ცენტრის ჯიღაურას მრავალწლოვანი კულტურების ბაზას ეწვია. ამის შესახებ ინფორმაციას სოფლის მეურნეობის სამეცნიერო-კვლევითი ცენტრი ავრცელებს.

ცენტრის ცნობით, სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ სტუმრებს ჯიღაურას სადემონსტრაციო ბაზაზე გაშენებული ქართული ვაზის ჯიშების კოლექცია დაათვალიერებინა და ცენტრში მიმდინარე სამეცნიერო პროექტები გააცნო. დელეგაციის წევრებთან გამართულ შეხვედრაზე საუბარი მევენახეობისა და მეღვინეობის სფეროში ურთიერთობების გაღრმავებასა და გაფართოების შესაძლებლობებს შეეხო.

“უნივერსიტეტის დელეგაციასთან განვიხილეთ მევენახეობისა და მეღვინეობის მიმართულებით  თანამშრომლობის ფორმატი, სამომავლო და ერთობლივი სამეცნიერო პროგრამები. მევენახეობა-მეღვინეობის დარგი საქართველოს პრიორიტეტულ მიმართულებას წარმოადგენს და იგი მჭიდროდ არის დაკავშირებული დასაქმებასთან. იმედს გამოვთქვამთ, რომ ამერიკული მხარე აქტიურად ჩაერთვება ერთობლივი სამეცნიერო პროექტების განხორციელების საკითხში“,- აღნიშნა ლევან უჯმაჯურიძემ.

მხარეები შეთანხმდნენ, რომ ახლო მომავალში მიჩიგანისა და საქართველოს შორის მევენახეობისა და მეღვინეობის სამეცნიერო განვითარების ერთობლივი პროექტები განხორციელდება. სწორედ ამ მიზნით, საქართველოს დელეგაცია მიჩიგანის სახელმწიფო უნივერსიტეტში იქნება მიწვეული.

ვიზიტის დასასრულს, სტუმრებმა, ამავე ცენტრის მევენახეობისა და მეღვინეობის სამეცნიერო-კვლევითი სამსახურის ხელმძღვანელთან, დავით ჩიჩუასთან ერთად, იშვიათი ქართული ვაზის ჯიშებიდან ბაზაზე წარმოებული ღვინოები დააგემოვნეს.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია