2024-07-05 17:56:01, 515 ნახვა
მსოფლიო
ვიქტორ ორბანი მოსკოვში ვლადიმერ პუტინს შეხვდა
უნგრეთის პრემიერ-მინისტრი ვიქტორ ორბანი მოსკოვში რუსეთის ფედერაციის პრეზიდენტ ვლადიმერ პუტინს შეხვდა. ამის შესახებ ინფორმაციას რუსული სამთავრობო-პრპოაგანდისტული გამოცემა "რია ნოვოსტი" ავრცელებს.
როგორც "რია ნოვოსტი" წერს, შეხვედრის თემა უკრაინაში არსებული ვითარების მოგვარება იყო.
გამოცემის ცნობით, პუტინმა, რომელმაც ორბანი კრემლში მიიღო, თქვა, რომ მზად იყო, ორწელიწად-ნახევრიანი ომის დასასრულებლად სამშვიდობო წინადადებების "ნიუანსები" განეხილა.
შეგახსენებთ, უნგრეთის პრემიერ-მინისტრი ვიქტორ ორბანი რუსეთს დღეს, 5 ივლისს ესტუმრა. მანამდე, ორბანი ვიზიტით იმყოფებოდა კიევში, სადაც მოლაპარაკება უკრაინის პრეზიდენტ ვოლოდიმირ ზელენსკისთან გამართა.
ავტორი: ექსპრესნიუსი,
epn.ge (@expressnews.ge)
