2024-07-01 10:49:48, 412 ნახვა
საზოგადოება
EU-ის წარმომადგენლობა ნაკრებს - თქვენ მოუტანეთ სიხარული და ღირსება საქართველოს - მადლობა შესანიშნავი ასპარეზობისთვის
საქართველოში ევროკავშირის წარმომადგენლობა ევროპის ჩემპიონატში საქართველოს ეროვნული საფეხბურთო ნაკრების ასპარეზობას ეხმაურება.
EU-ის წარმომადგენლობა აღნიშნულთან დაკავშირებით მცირე განცხადებას სოციალურ ქსელში ავრცელებს.
"გვეამაყება საქარათველოს ეროვნული ნაკრების ისტორიული დებიუტი UEFA EURO 2024-ზე!
თქვენ მოუტანეთ სიხარული და ღირსება საქართველოს და დაიპყარით მილიონობით გულშემატკივართა გულები მთელ მსოფლიოში. მადლობა შესანიშნავი ასპარეზობისთვის",- ნათქვამია EU-ის წარმომადგენლობის განცხადებაში.
შეგახსენებთ, გუშინ, 30 ივნისს საქართველოს ეროვნული საფეხბურთო ნაკრები ევროპის ჩემპიონატის მერვედფინალურ ეტაპზე ესპანეთის ნაკრებთან, ანგარიშით 4:1 დამარცხდა, რითაც ნაკრებმა EURO 2024-ზე ასპარეზობა დაასრულა.
ავტორი: ექსპრესნიუსი,
epn.ge (@expressnews.ge)
