2024-06-17 21:43:14, 476 ნახვა
მსოფლიო
გალანტი - ირანის მარიონეტები დასავლური ცივილიზაციის წინააღმდეგ ომს აწარმოებენ
ირანის მარიონეტები დასავლური ცივილიზაციის წინააღმდეგ ომს აწარმოებენ, - ამის შესახებ ისრაელის თავდაცვის მინისტრმა, იოავ გალანტმა განაცხადა.
გალანტის თქმით, აშშ-ის მხრიდან ისრაელის მხარდაჭერა გადამწყვეტია არა მხოლოდ ისრაელის გამარჯვებისთვის, არამედ მსოფლიოში საერთო მტრების შეკავებისთვის.
„ისრაელი ირანის მარიონეტების წინააღმდეგ ომშია ჩართული. ეს არის ომი დასავლურ ცივილიზაციასთან. აშშ-ის მხრიდან ყველა ფორმით [ისრაელის] მხარდაჭერა გადამწყვეტია არა მხოლოდ ისრაელის გამარჯვებისთვის, არამედ მთელ მსოფლიოში ჩვენი საერთო მტრების შეკავებისთვის“, - განაცხადა იოავ გალანტმა.
ავტორი: ექსპრესნიუსი,
epn.ge (@expressnews.ge)
