„2014 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ“ სახალხო დამცველის ანგარიშზე საქართველოს პარლამენტის დადგენილებით გაცემული რეკომენდაციების შესრულების თაობაზე დევნილთა და განსახლების მინისტრის პირველმა მოადგილემ გრიგოლ გიორგაძემ,  საკომიტეტო მოსმენაზე,  სამინისტროს მიერ გაწეული საქმიანობის ანგარიში წარადგინა.

ლტოლვილთა და განსახლების სამინისტროს ინფორმაციით, რეკომენდაციები შეეხებოდა პრივატიზაციის პროცესის დაჩქარებას, ნგრევადი და სიცოცხლისათვის საშიში შენობებიდან დევნილი ოჯახების განსახლებას და კერძო საკუთრებაში არსებულ ობიექტებში მცხოვრები დევნილებისათვის უმოკლეს ვადაში ალტერნატიული საცხოვრებელი ფართის გამოყოფას.

მინისტრის პირველმა მოადგილემ განსაკუთრებული ყურადღება გაამახვილა ნგრევად ობიექტებში მცხოვრები დევნილი ოჯახების განსახლების საკითხზე.  2013 - 2015 წლებში სამხარაულის ექპერტიზის ეროვნული ბიუროს მიერ შეფასებულ იქნა 90-მდე დევნილთა განსახლების ობიექტი. აღნიშნული ობიექტებიდან 38 დაიხურა და დევნილი ოჯახები გადაყვანილ იქნენ ქ. თბილისსა და საქართველოს ტერიტორიულ ორგანოებში  ახალაშენებულ კორპუსებსა და რეაბილიტირებულ შენობებში. 2013 - 2015 წლებში  ნგრევადი ობიექტებიდან გაყვანილ იქნა 728 დევნილი ოჯახი.  2016 წელს სამინისტროს დაგეგმილი აქვს იძულებით გადაადგილებულ პირთა ორგანიზებულად განსახლების  ყველა იმ ობიექტის შესწავლა, რომელიც ჯერ არ არის გადაცემული დევნილთათვის საკუთრებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა