თავს კარგად ვგრძნობ, რაღაც მსუბუქი პროცედურები იქნება საჭირო 2-3 დღეში და მერე ჩვეულებრივად ერთ კვირაში სრულად რეაბილიტირებული ვიქნები, - ამის შესახებ აქტივისტმა, ზუკა ბერძენიშვილმა კლინიკის დატოვების შემდეგ განაცხადა.

ბერძენიშვილი მოითხოვს, რომ შინაგან საქმეთა სამინისტროს მიერ ჯგუფურად თავდასხმის მუხლით დაწყებული გამოძიება, ჯანმრთელობის განზრახ მძიმე დაზიანების მუხლით გადაკვალიფიცირდეს.

"თავს კარგად ვგრძნობ, რაღაც მსუბუქი პროცედურები იქნება საჭირო 2-3 დღეში და მერე ჩვეულებრივად ერთ კვირაში სრულად რეაბილიტირებული ვიქნები. ცხვირის ოპერაცია ჩამიტარდა და 10 წლის წინანდელი ტრავმაც გამისწორეს, ამიტომ ყველანაირად კმაყოფილი ვარ. ხუმრობა რომ იქით გადავდოთ, რაღაცნაირად სინდისი დამიმშვიდდა იმიტომ, რომ ამ რეჟიმის პირობებში გალახული თუ არ ხარ, რაღაც კითხვები ჩნდება.

უნდა გადაკვალიფიცირდეს მუხლი, რადგან მძიმე ჯანმრთელობის დაზიანებამ გამოიწვია ქირურგიული ჩარევების საჭიროება... თუ ახლა შეიკავებენ თავს, როცა გვეღირსება ნორმალური სასამართლო, მაშინ დაერქმევა ყველაფერს სახელი. 

ჩვენ "მივაწვებით" ბოლომდე ამ პროცესს და არა იმიტომ, რომ რამე ილუზია გვაქვს, არამედ იმიტომ, რომ  ყველანაირად მივაყენოთ კუთხეში და იყოს დოკუმენტირებული, რას არ გამოიძიებენ, რომ მოეთხოვოთ პასუხი", - განაცხადა ბერძენიშვილმა.

შეგახსენებთ, გუშინ, 11 ივნისს სამოქალაქო აქტივისტ ზუკა ბერძენიშვილს ფიზიკურად გაუსწორდნენ. 

თავდასხმის შესახებ თავდაპირველად ინფორმაცია სოციალურ ქსელში სალომე ბარკერ ნიკოლეიშვილმა გაავრცელა. როგორც ის წერდა, მას შემდეგ, რაც პარლამენტის თავმჯდომარემ, შალვა პაპუაშვილმა სოციალურ ქსელში „პოსტი“ გამოაქვეყნა, ბერძენიშვილს 3 ადამიანი დაესხა თავს.

ავტორი: ექსპრესნიუსი,

სოციალური ქსელები

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო