2016-02-15 15:23:51, 540 ნახვა
საზოგადოება
შსს-ს მაშველებმა ლეიკემიის წინააღმდეგ ბრძოლის საერთაშორისო დღესთან დაკავშირებით ბავშვებისთვის სისხლი გაიღეს
შინაგან საქმეთა სამინისტროს საგანგებო სიტუაციების მართვის სააგენტოს თბილისის საგანგებო სიტუაციების მართვის მთავარი სამმართველოსა და ვაკე-საბურთალოს სახანძრო-სამაშველო სამსახურის 50 თანამშრომელმა, ლეიკემიის წინააღმდეგ ბრძოლის საერთაშორისო დღესთან დაკავშირებით, ლეიკემიით დაავადებული ბავშვების დასახმარებლად სისხლი გაიღო.
„შინაგან საქმეთა სამინისტრო უკვე მეოთხე წელია სისტემატურად მონაწილეობს აქციაში „გაიღე სისხლი, გადაარჩინე სიცოცხლე“. აქციის მიზანია ლეიკემიით დაავადებული მოზარდებისთვის საჭირო სისხლისა და სისხლის კომპონენტების დეფიციტის შემცირება. შსს-ს თანამშრომლები აქციაში მონაწილეობას მომავალშიც გააგრძელებენ“, - აცხადებენ შსს-ში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
