შინაგან საქმეთა მინისტრი გიორგი მღებრიშვილი გერმანიის ფედერაციული რესპუბლიკის ელჩს საქართველოში  - ბეტინა კადენბახს შეხვდა. შეხვედრაზე მხარეებმა საქართველოს ევროატლანტიკური ინტეგრაციის პერსპექტივები და ორ ქვეყანას შორის თანამშრომლობის სამომავლო გეგმები განიხილეს.
შს მინისტრმა ხაზი გაუსვა სამინისტროს მიერ წარმატებით განხორციელებული ვიზა-ლიბერალიზაციის სამოქმედო გეგმის ასპექტებს, რაც ევროკომისიის ანგარიშში პოზიტიურად აისახა. როგორც გიორგი მღებრიშვილმა აღნიშნა, შს სამინისტროს მიზანია სამართალდამცავი უწყების ევროპული სტანდარტების შესაბამისად რეფორმირება.
უწყების ინფორმაციით, შეხვედრაზე ხაზგასმით აღინიშნა გერმანიის ფედერალური სამართალდამცავი ორგანოებისა და საქართველოს შსს-ს ცენტრალური კრიმინალური პოლიციის მჭიდრო თანამშრომლობა, რამაც ორგანიზებულ დანაშაულთან ბრძოლის კუთხით მნიშვნელოვანი შედეგები მოიტანა.

შეხვედრის დასასრულს გიორგი მღებრიშვილმა ბეტინა კადენბახს შს სამინისტროს შესაძლებლობების განვითარების მხარდაჭერისთვის მადლობა გადაუხადა და იმედი გამოთქვა, რომ ორ ქვეყანას შორის თანამშრომლობა სამართალდაცვით სფეროში კიდევ უფრო გაღრმავდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი