ტელეკომპანია "მაესტროს" გენერალურმა დირექტორმა ბაია გადაბაძემ საჯარო რეესტრში მხარედ დარეგისტრირების შესახებ განცხადება შეიტანა.

როგორც გადაბაძემ ჟურნალისტებს განუცხადა, მას სურს საქმის შესახებ ყველანაირი ინფორმაცია მიიღოს და მხარედ დარეგისტრირებას სწორედ ამიტომ ითხოვს. მისივე თქმით, იგი დღეს ევროკავშირის ელჩს საქართველოში იანოშ ჰერმანს შეხვდება და პროცესზე განსაკუთრებულ მონიტორინგს სთხოვს.

"ჩემი დარეგისტრირება მხარედ საჭიროა იმიტომ, რომ თუკი გაჩეჩილაძეების მხრიდან შემოვა ნებისმიერი განცხადება თუ საჩივარი მაცნობონ ეს. როცა ვიქნები მხარედ დარეგისტრირებული მაცნობებენ და მე მექნება საშუალება წერილობითი პასუხი გავცე. ყველა საელჩოს და მათ შორის ევროკავშირის ელჩს მინდა ვთხოვო, რომ ჩვენ არ გავალთ სამართლებრივი ჩარჩოებიდან, მაგრამ რომ არ მოხდეს ჩარევა სასამართლოში ხელისუფლების მხრიდან, მე მათ ვთხოვ განსაკუთრებულ მონიტორინგს. წინააღმდეგ შემთხვევაში ჩვენ შევძლებთ, დამფუძნებლებიც და დირექტორიც შევძლებთ ჩვენი სიმართლის დამტკიცებას“, - განაცხადა გადაბაძემ.

ცნობისთვის, საჯარეო რეესტრის ეროვნულმა სააგენტომ ლევან გაჩეჩილაძის "მაესტროს" გენერალურ დირექტორად დარეგისტრირების პროცესი შეაჩერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს