2024-05-02 21:28:43, 567 ნახვა
საზოგადოება
გიორგი ქოჩორაშვილი - არაფერია იმაზე მნიშვნელოვანი, ვიდრე ქვეყანა - არა რუსეთს!
დიდება და თავისუფლება საქართველოს და არა ძალადობას. არა რუსეთს! საქართველოს გზა ევროპაშია! მე ვარ საქართველო! - ამის შესახებ ეროვნული ნაკრების წევრი, ფეხბურთელი გიორგი ქოჩორაშვილი სოციალურ ქსელში წერს.
ქოჩორაშვილის განცხადებით, არაფერია იმაზე მნიშვნელოვანი, ვიდრე ქვეყანა.
"თავისუფლება ძალაა, რომელიც ღმერთმა მოგვცა და ეს თავისუფლება არის ის, რასაც თითოეული ქართველი ფლობს. ის 26 მარტის დღე, რომლის დროსაც ყველა ბედნიერი იყო, ერთმანეთს ვეხუტებოდით და ვზეიმობდით, არ გამქრალა და ჩვენს გულებში ინახება. მაგრამ არაფერია იმაზე მნიშვნელოვანი, ვიდრე ქვეყანა. არცერთი ჩემპიონატი და არცერთი სპორტული ღონისძიება. დიდება და თავისუფლება საქართველოს და არა ძალადობას. არა რუსეთს! საქართველოს გზა ევროპაშია! მე ვარ საქართველო!" - წერს ქოჩორაშვილი.
ავტორი: ექსპრესნიუსი,
epn.ge (@expressnews.ge)
