2024-04-10 20:13:10, 386 ნახვა
მსოფლიო
კამერონი - ჯო ბაიდენს ღაზაში ცეცხლის დროებით შეწყვეტის აუცილებლობაში ვეთანხმები
გაერთიანებული სამეფოს საგარეო საქმეთა მინისტრის, დევიდ კამერონის განცხადებით, ის ეთანხმება აშშ-ის პრეზიდენტს, ჯო ბაიდენს ღაზაში ცეცხლის დროებით შეწყვეტის აუცილებლობაში. ამის შესახებ კამერონმა ტელეკომპანია CNN-თან ინტერვიუში განაცხადა.
როგორც კამერონი აღნიშნავს, ჯო ბაიდენი ისრაელის პრემიერ-მინისტრ ბენიამინ ნეთანიაჰუსგან სამართლიანად მოითხოვს პაუზას საბრძოლო მოქმედებებში, რათა მოხდეს ჰუმანიტარული დახმარების მიწოდება და მძევლების გათავისუფლება.
„ისევე, როგორც მე მოვითხოვე არაერთხელ, ასევე, ის სამართლიანად მოითხოვს ნეთანიაჰუსგან პაუზას საბრძოლო მოქმედებებში ჰუმანიტარული დახმარების მისაწოდებლად და მძევლების გამოსაყვანად“, - განაცხადა კამერონმა.
ავტორი: ექსპრესნიუსი,
epn.ge (@expressnews.ge)
